Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. mars. 2012 02:30

Skagamenn endurheimtu fimmta sætið

Lið ÍA mætti liði Breiðabliks frá Kópavogi í næstsíðustu umferð 1. deildarinnar í körfunni á föstudaginn.  Leikið var í Íþróttahúsinu á Jaðarsbökkum. Í húfi voru tvö dýrmæt stig þar sem bæði lið eiga möguleika á að hljóta fimmta sæti deildarinnar. Það sæti gefur rétt til þess að spila í úrslitakeppni 1. deildar um laust sæti í Úrvalsdeild á næsta leiktímabili. Leikurinn fór rólega af stað. Heimamenn, sem léku án reynsluboltans Trausta Jónssonar, reyndu að halda uppi hröðum leik og ætluðu sér greinilega að ná upp forystu strax í upphafi.  Blikar voru hinsvegar ekki á því að leyfa þeim það og svörðu fyrir sig með góðum þriggja stiga körfum. Þrátt fyrir þetta leiddu heimamenn að loknum fyrsta leikhluta með 23 stigum gegn 17.

 

 

 

Heimamenn héldu svo uppteknum hætti í öðrum leikhluta og spiluð mjög vel á meðan gestirnir úr Kópavogi misstu taktinn í leik sínum. Þegar flautað var til hálfleiks leiddu Skagamenn með sextán stigum, 51-35. Sama var upp á teningnum í þriðja leikhluta og eftir góða sóknarvinnu heimamanna var munurinn kominn í 24 stig. Skemmst er frá því að segja að Kópavogsbúar áttu engin svör við leik sprækra Skagamanna sem unnu að lokum stórsigur, 109-81.

 

Lið ÍA átti mjög góðan leik bæði vörn og sókn og litu mörg skemmtileg tilþrif dagsins ljós. Á móti áttu gestirnir í vandræðum jafnt varnarlega sem sóknarlega og virkuðu oft hugmyndasnauðir á vellinum. Hjá heimamönnum átti Terrence Watson stórleik. Hann skoraði 44 stig, tók 15 fráköst og gaf 4 stoðsendingar. Einnig átti Áskell Jónsson góðan leik með 21 stig, 7 stoðsendingar og 5 fráköst. Þá skoraði Birkir Guðjónsson 15 stig, Hörður Nikulásson 10, Ómar Helgason 7, Sigurður R. Sigurðsson 6 og Dagur Þórisson 6.

 

Með sigrinum endurheimti lið ÍA fimmta sæti 1. deildar sem gefur farseðil í umspil. Síðasti leikur ÍA í deildarkeppni 1. deildar fer fram á föstudaginn þegar liðið mætir liði Ármanns í Reykjavík. Sigri Skagamenn er fimmta sætið þeirra. Úrslit annarra leikja mun ráða því hvort liðið muni mæta Skallagrími eða Hetti í umspil, að því gefnu að lið ÍA verði hlutskarpara gegn Ármenningum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is