Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. mars. 2012 08:01

Nýtt rit um verkhætti við nýtingu borgfirskra flæðiengja á 20. öld

Landbúnaðarsafn Íslands hefur gefið út rit um nýtingu flæðiengja í neðanverðum Borgarfirði, þar sem sérstaklega eru skoðaðir verkhættir og vinnubrögð við nýtingu þeirra á 20. öld. Flæðiengjalöndin við Borgarfjörð voru til skamms tíma mikilvægur hluti búrekstrar margra jarða, ekki aðeins þeirra, sem þau lönd áttu heldur einnig annarra sem þar áttu ítök eða leigðu þar slægjur. Undanfarna öld hafa miklar breytingar orðið á nýtingu engjalandanna, svo sem alkunna er. Þeim fækkar óðum sem muna af eigin reynslu hvernig engjalöndin voru nýtt og notuð, verkhætti, venjur og fleira sem snerti engjabúskapinn, sem og það hvernig nýtingin breyttist með tilkomu nýrra véla og verkfæra.

 

 

 

 

Því var ákveðið að safna heimildum um þessa nýtingu til að forða þeim frá glötun. Haft var samband við fjölda heimildamanna í héraði og fengust greinargóðar lýsingar á ýmsum þáttum nýtingarinnar og þeim breytingum sem á henni urðu með aukinni vélvæðingu, allt þar til engjanytjar lögðust af að mestu. Ljóst er að mikil vinna fylgdi því að fara á engjar og afla heyja fyrir veturinn, en jafnframt var þetta ánægjulegur tími sem heimildamenn áttu góðar minningar um, þrátt fyrir erfiðið og óvissu sem þessu fylgdi.

 

Ritið, sem er 40 bls. að stærð og prýtt mörgum myndum, er unnið í samvinnu Landbúnaðarsafns og Laxveiði- og sögusafnsins Ferjukoti með stuðningi Framleiðnisjóðs landbúnaðarins, Menningarsjóðs Borgarbyggðar og fleiri aðila. Höfundar eru þau Ragnhildur Helga Jónsdóttir, Bjarni Guðmundsson og Þorkell Fjeldsted. Ritið er fáanlegt hjá Landbúnaðarsafninu á Hvanneyri, s. 844 7740, og kostar 2.000 kr.

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is