Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. mars. 2012 05:18

Kynningarfundur með biskupsefnum vel sóttur af kjörmönnum

Átta prestar hafa boðið sig fram til embættis biskups Íslands. Kjörgögn vegna kosningar biskups voru send til kjósenda fyrir síðustu helgi og er frestur til að skila atkvæðum til 19. mars nk. Atkvæði póstlögð eftir þann dag verða ekki talin gild. Biskupsefnin hafa síðustu daga haldið kynningarfundi um landið og meðal annars var einn slíkur fundur haldinn í Borgarnesi sl. miðvikudag, eins og fram kom í frétt hér á vefnum í gær. Fjölmiðlar voru ekki boðaðir þangað né látið vita opinberlega um að fundurinn færi fram. Vegna gagnrýni um það atriði, segir sr. Þorbjörn Hlynur Árnason prófastur í Vesturlandsprófastsdæmi að markhópur fundarins hafi verið kjörmenn, sem eru 12 prestar og 39 formenn sóknarnefnda í prófastsdæminu. Segir hann þetta mikla breytingu frá síðustu vígslubiskupskosningu en þá voru á kjörskrá 12 prestar og einn leikmaður á Vesturlandi.

„Megin atriðið, varðandi þennan fund, var að leiða saman frambjóðendur og kjörmenn og var fundurinn haldinn að ósk Kirkjuráðs. Þátttaka kjörmanna var mjög góð og var fundurinn af þeim sökum fluttur úr Safnaðarheimilinu í Borgarnesi yfir í Menntaskólann. Margir áhugasamir um kirkjumál, sem ekki eiga kosningarétt, voru á fundinum og lýstu gestir yfir ánægju með fundinn,“ segir sr. Þorbjörn Hlynur.

 

 

Eftir að breyttar reglur um kjör biskups voru samþykktar eiga um 500 manns rétt til kjósa biskup yfir Íslandi. Meðal annarra eru það prestar, formenn sóknarnefnda og varaformenn sóknarnefnda fjölmennustu sókna höfuðborgarsvæðisins. Stefnt er að talningu atkvæða í biskupskjöri föstudaginn 23. mars. Hljóti enginn einn frambjóðanda meirihluta atkvæða verður önnur umferð þar sem valið verður milli þeirra tveggja sem flest atkvæði hlutu í fyrri umferð kosningarinnar. Þá verður stefnt að biskupsvígslu sunnudaginn 24. júní í sumar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is