Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. mars. 2012 09:35

Kallað eftir tilnefningum um frumkvöðul Vesturlands

Samtök sveitarfélaga á Vesturlandi hafa á hverju ári síðan 2005 veitt frumkvöðlaverðlaun Vesturlands. Samtökin óska nú eftir tilnefningum fyrir Frumkvöðul ársins 2011. „Tilgangurinn með verðlaununum er að styrkja og vekja athygli á öflugu frumkvöðlastarfi á Vesturlandi. Dugnaður og frumkvæði eru mikilvægir eiginleikar í sérhverju samfélagi, ekki síst í smáum. Þessir eiginleikar jafnvel fárra einstaklinga geta skipt sköpum um það hversu lífvænlegt er að búa í hinum dreifðu byggðum landsins,“ segir í tilkynningu. Frumkvöðlaverðlaunin eru í samstarfi við Vaxtarsamning Vesturlands og SSV. Verða veitt peningaverðlaun fyrir fyrstu þrjú sætin í keppninni. Verkefnin þurfa að styðja með beinum hætti við uppbyggingu atvinnulífs á Vesturlandi. Óskað er eftir tilnefningum um einstaklinga eða fyrirtæki sem skara fram úr í þróun nýrrar vöru, þjónustu eða viðburða í landshlutanum. Dómnefnd mun velja úr innsendum tilnefningum og tilkynna val á frumkvöðli ársins á frumkvöðla- og nýsköpunardegi sem haldinn verður í apríl.

 

 

 

 

Dómnefnd verkefnisins mun einkum horfa til eftirtalinna þátta: Í fyrsta lagi nýjabrums fyrir svæðið, þ.e. nýnæmi í framkvæmdum, atvinnulífi eða félagslífi. Í öðru lagi framfarir, þ.e. hversu mikið framfaraskref felst í verkefninu fyrir landshlutann. Loks er horft á hversu mikið áræði felst í viðkomandi verkefni, þ.e. hversu mikið áræði og fyrirhyggju þurfti til að gera verk úr hugmynd. Svæðið sem fyrrgreindir þættir ná til getur verið allt Vesturland eða viðkomandi sveitarfélag, allt eftir eðli starfseminnar.

 

Hægt er að senda inn tilnefningar með því að fara á heimasíður: www.ssv.is eða www.skessuhorn.is  Þar eru sérstakir hnappar fyrir þær. Þá er einnig hægt að senda tölvupóst á netfangið frumkvodull@ssv.is eða senda bréfpóst til SSV, Bjarnarbraut 8 í Borgarnesi. Tilnefningar þarf að rökstyðja með fáeinum orðum og þurfa að hafa borist fyrir 26. mars næstkomandi.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is