Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. mars. 2012 03:54

Nýrri námsbraut Lbhí og MB hleypt af stokkunum

Menntaskóli Borgarfjarðar og Landbúnaðarháskóli Íslands hafa tekið höndum saman og samþætt nýja námsbraut sem nefnist náttúrufræðibraut – búfræðisvið. Ætlunin er að veita nemendum á brautinni undirbúning undir háskólanám í náttúru- og búvísindum og tekur að jafnaði fjögur ár. Nemendur taka tvö fyrstu árin í Menntaskóla Borgarfjarðar þar sem megináherslan verður lögð á kjarnagreinar til stúdentsprófs og valdar greinar á sviði raunvísinda. Tvö síðari árin eru nemendur við nám í búfræðibrautinni á Hvanneyri. Að námi loknu brautskrást nemendur bæði með stúdentspróf frá Menntaskóla Borgarfjarðar og búfræðipróf frá Landbúnaðarháskóla Íslands.

 

 

 

 

Að sögn Björns Þorsteinssonar, prófessors og aðstoðarrektors kennslumála hjá LbhÍ, þá gefst nemendum með áhuga á lífinu og landinu sérstakt tækifæri til að afla sér stúdentsprófs sem veitir góðan grunn í hagnýtri náttúrufræði. „Á námsbrautinni er tvinnað saman ýmsum grunngreinum náttúruvísinda og hagnýtrar náttúrufræði auk tækni- og hagfræðigreina sem tengjast landbúnaði og smárekstri. Fáar námsbrautir gefa nemendum jafn hagnýtan undirbúning fyrir lífið óháð því hvað þeir munu taka sér fyrir hendur, en með náminu verða þeir þó sérstaklega vel í stakk búnir til að takast á við háskólanám á þeim sviðum sem Landbúnaðarháskóli Íslands býður (búvísindi, náttúrufræði o.fl.) auk annars náms á skyldum sviðum við aðra háskóla,“ segir Björn. Kennsla við nýju námsbrautina hefst í haust.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is