Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. mars. 2012 10:54

Andlát: Bjarni Helgason á Laugalandi

Bjarni Helgason, fyrrverandi garðyrkjubóndi á Laugalandi í Borgarfirði, lést á Landspítalanum 28. mars sl. 83 ára að aldri. Bjarni var um árabil í forystusveit í félagsmálum bænda og Borgfirðinga. Bjarni var fæddur í Reykjavík 23. júní 1928. Foreldrar hans voru Sigrún Sigurðardóttir húsmóðir og Helgi Bjarnason leigubílstjóri. Hann nam við Garðyrkjuskóla ríkisins og var við starfsnám við garðyrkjustöðvar í Danmörku og Svíþjóð. Síðar kynnti hann sér svepparækt við tilraunastöð Landbúnaðarháskólans í Kaupmannahöfn og víðar. Bjarni hóf á unglingsaldri störf við garðyrkjustöðina Laugaland hf. sem faðir hans og föðurbróðir stofnuðu í Borgarfirði. Hann varð garðyrkjustjóri og síðan framkvæmdastjóri og aðaleigandi fyrirtækisins. Hann var frumkvöðull að svepparækt á Íslandi.

 

 

 

 

Bjarni var alla tíð virkur í félagsmálum, var formaður Umf. Stafholtstungna og sat í stjórn Ungmennasambands Borgarfjarðar. Hann var formaður Garðyrkjubændafélags Borgarfjarðar og Sambands garðyrkjubænda. Var fulltrúi garðyrkjubænda á aðalfundum Stéttarsambands bænda og sat í stjórn Stéttarsambandsins og Framleiðsluráðs landbúnaðarins. Bjarni átti sæti í hreppsnefnd Stafholtstungnahrepps og síðar sveitarstjórn Borgarbyggðar. Hann gegndi trúnaðarstörfum fyrir Sjálfstæðisflokkinn, átti sæti í náttúruverndarnefnd og stjórn Sparisjóðs Mýrasýslu. Hann var lengi í sóknarnefnd Stafholtskirkju og tók mikinn þátt í störfum Lionsklúbbs Borgarness. Eftirlifandi eiginkona Bjarna er Lea Kristín Þórhallsdóttir sem fædd er á Ísafirði. Þau eiga fjögur uppkomin börn.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is