Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. apríl. 2012 01:16

Grásleppuveiðar fara rólega af stað

Grásleppuveiðar hafa farið rólega af stað hjá bátunum sem gerðir eru út frá Akranesi, en um svipaðan fjölda er að ræða og á síðustu vertíð, um tíu bátar. Sækja þeir flestir á hefðbundna veiðislóð úti af Mýrunum. Flestir byrjuðu að leggja strax og það mátti upp úr miðjum mars. Friðrik Magnússon á Keili AK var einn þeirra og sagði hann í samtali við Skessuhorn í morgun að fyrstu tvær vikurnar hefðu verið mjög ódrjúgar vegna stöðugrar brælu. “Það hefur varla verið neinn friður með netin nema síðustu vikuna. Þetta fer því rólega af stað en ég myndi segja að veiðin væri svona í meðallagi. Þetta eru svona frá 30 og upp í sjötíu til áttatíu grásleppur í net á því svæði sem við erum á,” segir Friðrik sem er með tvo menn með sér á Keili. Þeir leggja net sín við Hvalseyjar, sem þýðir á þriðja tíma stím á miðin, en Friðrik segir að sumir séu að sækja lengra, á fimmta tíma undan Hvammssveitinni.

 

 

 

 

Böðvar Ingvarsson á Emelíu AK byrjaði að leggja fyrir helgina og var búinn að vitja einu sinni um þegar Skessuhorn hafði tal af honum. Böðvar sagði eins og Friðrik að vertíðin færi rólega af stað og aflinn úr þessari fyrstu vitjun væri miðlungsgóður miðað við byrjun vertíðar, en Böðvar leggur net sín skammt út af Þormóðsskeri.

Nú er skylda að hirða grásleppuna og misjafnt hvort hrognin eru skorin frá úti á sjó eða þegar komið er í land. Það fer mest efstir aðstöðu útgerðarmannanna í bátunum eða í landi. Þeir á Keili skera hrognin frá úti á sjó enda er rýmið gott um borð. Margar vinnslur taka við grásleppunni til útflutnings, m.a. Vignir G Jónsson á Akranesi sem tekur bæði við hrognunum og grásleppunni til útflutnings.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is