Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. apríl. 2012 06:22

Meta kostnað við að fjarlægja kútterinn

Á fundi Akranesstofu í síðustu viku voru á dagskrá málefni Kútters Sigurfara sem legið hefur undir skemmdum á Safnasvæðinu í Görðum um árabil. Á fundinum kom fram að um það væri að velja að koma kútternum í skjól, hefja viðgerðir á honum eða fjarlægja hann af svæðinu. Á fundinum var forstöðumanni Byggðasafnsins í Görðum falið að gera áætlun um það hvernig standa megi að því að fjarlægja kútterinn af Safnasvæðinu. Málefni kúttersins hafa talsvert verið í umræðunni að undanförnu. Katrín Jakobsdóttir menntamálaráðherra hefur fallist á að halda fund með forsvarsmönnum Safnasvæðisins og Akraneskaupstaðar á næstunni. En mál þetta teygir sig lengra aftur. Í ársbyrjun 2007 var gerður samningur við ráðuneytið, þegar Þorgerður Katrín Gunnarsdóttir var menntamálaráðherra, um stuðning þess við varðveislu skipsins. Í samningum hét ráðuneytið að beita sér árlega fyrir 12 milljóna króna framlagi til Byggðasafnsins í Görðum. Gilti samningur sá til ársins 2011 og hljóðaði upp á samtals 60 milljóna króna framlag ríkisins til varðveislu kúttersins. Samningur sá gerði ráð fyrir að skipið yrði gert sjóklárt.

Kostnaðaráætlanir hafa verið gerðar síðan og í ljós komið að þetta verkefni kostar háar upphæðir, margfalt hærri en þetta framlag ráðuneytisins nemur og heimaaðilar hafa því ekki treyst sér til að leggja fjármagn á móti. Málefni kúttersins hafa verið í endurskoðun að undanförnu, m.a. hvort ekki ætti frekar að koma honum í sýningarhæft ástand en sjófært. Katrín Jakobsdóttir menntamálaráðherra hefur sagt í þessu sambandi að hún geri sér grein fyrir varðveislugildi kúttersins, en á fundinum með heimaaðilum verði rætt um hvers vegna samningurinn við ráðuneytið hafi ekki verið nýttur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is