Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. apríl. 2012 11:49

Vill að Bændasamtökin láti af ,,smábýlarómantíkinni”

Þórólfur Matthíasson prófessor í hagfræði við Háskóla Íslands segir að núverandi fyrirkomulag landbúnaðar á Íslandi stefni beint inn í brimið og klettana. Þetta kom fram í erindi hans á ráðstefnu um stöðu landbúnaðar á Íslandi sem fram fer í Háskólanum á Bifröst í dag. Í erindi sínu, sem Þórólfur nefndi; ,,Síðbúin umfjöllun um síðbúið andlát landbúnaðarstefnu,” fullyrti hann að núverandi landbúnaðarstefna mætti ekki markmiðum búvörulaga sem meðal annars væri að stuðla að samkeppni, framförum og aukinni hagkvæmni í búvöruframleiðslu og bættum kjörum bænda. Ræddi hann sérstaklega stöðu sauðfjárbúskapar á Íslandi. Samkvæmt hans útreikningum er þjóðhagslegt tap Íslendinga á núverandi kerfi í sauðfjárbúskap um sjö milljarðar á ári.  

 

 

 

 

Þórólfur kallaði eftir meiri hagræðingu í greininni á Íslandi. Því væri þó ekki til að dreifa meðan Bændasamtök Íslands væru ekki tilbúin að láta af ,,smábýlarómantík” sinni eins og Þórólfur kaus að kalla það í erindi sínu. Viðhorfsbreyting þurfi að eiga sér stað. Til að viðhalda núverandi kerfi í sauðfjárbúskap þurfi að auka fjárframlög um 25-50% á næstu árum. Eigi markmið búvörulaga að nást þarf hagræðing að eiga sér stað meðal annars með betri nýtingu húsa, tækja og mannafla sagði Þórólfur. Þetta hafi mörg fyrirtæki náð að gera með góðum árangri frá bankahruni til hagsbóta fyrir þjóðarhag og vildi Þórólfur t.d. að íslenskir sauðfjárbændur gerðu slíkt hið sama. Sauðfjárbú hafi sömu skyldur eins og aðrir. Fækkun bænda og sterkari rekstrargrundvöllur búa muni orsaka meiri nýsköpunargetu hjá bændum og meiri virðisauka fyrir þjóðarbúið.

 

 

Nánar verður greint frá erindum á ráðstefnunni í Skessuhorni í næstu viku.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is