Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. apríl. 2012 11:18

Afkoma Borgarbyggðar mun betri en áætlað var

Rekstur Borgarbyggðar gekk mun betur á árinu 2011 en áætlun gerði ráð fyrir. Það skýrist m.a. af því að skatttekjur voru vanáætlaðar, rekstrarkostnaður var að mestu leyti í samræmi við áætlun og fjármagnskostnaður reyndist nokkru minni en ætlað var vegna breytinga á lánum í erlendri mynt. Þetta kemur fram í ársreikningi Borgarbyggðar fyrir árið 2011 sem lagður var fram til fyrri umræðu á fundi sveitarstjórnar í gær.  Samantekin rekstrarniðurstaða Borgarbyggðar á árinu 2011 var jákvæð um 217 milljónir kr., sem er tæplega 176 milljónum betri útkoma en endurskoðuð fjárhagsáætlun gerði ráð fyrir.

Í tilkynningu frá sveitarstjórn vegna ársreikningsins segir að íbúar Borgarbyggðar muni strax njóta góðrar afkomu sveitarfélagsins. Það komi m.a. fram í sérstöku atvinnuátaki sem efnt verði til, lengingu starfstíma vinnuskólans, stofnun námsvers fyrir einhverf börn og átaks til að efla brunavarnir í skólum.

Síðast en ekki síst hefur sveitarstjórn ákveðið að falla frá hækkun leikskólagjalda. Í tilkynningunni segir m.a. að Borgarbyggð hafi verið meðal þeirra sveitarfélaga sem efnahagshrunið 2008 bitnaði hvað harkalegast á. Samstaða sveitarstjórnar og samstillt átak starfsmanna við framkvæmd og eftirfylgni aðgerða, sem margar hverjar voru sársaukafullar, hafi gert það kleift að snúa rekstri sveitarfélagsins til betri vegar á skömmum tíma.

 

Veltufé stóð undir afborgunum

Heildartekjur sveitarsjóðs Borgarbyggðar og B-hluta fyrirtækja voru á síðasta ári samkvæmt ársreikningnum 2.534 milljónir króna en rekstrarútgjöld án fjármagnsliða voru 2.221 milljónir. Framlegð sveitarfélagsins var því um 17%. Fjármagnsgjöld voru alls 95 milljónir kr. Veltufé frá rekstri var 296 milljónir kr. eða 11,7% af rekstrartekjum, 129 milljónum kr. meira en áætlað var. Heildarskuldir og skuldbindingar voru 4.481 milljónir kr. Afborganir langtímalána námu 220 milljónum kr. og stóð veltufé frá rekstri undir þeim. Eigið fé sveitarfélagsins í árslok var 1.363 milljónir eða 23%. Sveitarfélagið fjárfesti fyrir 447 milljónir í varanlegum rekstrarfjármunum, þar af í hjúkrunarálmu við Dvalarheimili aldraðra í Borgarnesi fyrir 413 milljónir kr. Eignir sveitarfélagsins voru í árslok að andvirði 5.845 milljónir kr.

Heildarskuldir Borgarbyggðar í hlutfalli af tekjum eru samkvæmt ársreikningi 177%. Þar með eru talin lán vegna hjúkrunarálmunnar við Dvalarheimili aldraðra. Í tillögu að fjármálareglum sveitarfélaga er gert ráð fyrir að draga megi frá þær skuldbindingar sem tryggðar eru með leigugreiðslum frá ríkissjóði og því mun skuldaviðmið Borgarbyggð lækka sem því nemur, segir í tilkynningunni

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is