Forsíða
Auglýsing
Rss straumur af fréttum frá Skessuhorni
Rismál. Þriðji Óðinsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. apríl. 2012 11:37

Sonardóttir Sveins á Sauðárkróki sigursæl á Skeifudegi

Skeifudagur hestamannafélagsins Grana á Hvanneyri var haldin hátíðlegur í gær á sumardaginn fyrsta eins og hefð er fyrir í áratugi. Þessi dagur er hátíðisdagur hestamanna á Hvanneyri þar sem nemendur skólans sýna árangur vetrarins við tamningar og þjálfun. Reiðkennararnir Haukur Bjarnason og Randi Holaker á Skáney hafa séð um kennsluna í vetur. Að þessu sinni var það Skagfirðingurinn Svala Guðmundsdóttir sem sópaði að sér verðlaunum. Fékk viðurkenningu Félags tamningamanna fyrir bestu ásetuna, Morgunblaðsskeifuna fyrir samanlagðan árangur í þjálfun og tamningum og Gunnarsbikarinn en hann er veittur þeim sem sigrar gangtegundakeppni nemenda og er gefinn til minningar um Gunnar Bjarnasonar. Til gamans má geta þess að Svala er barnabarn hins kunna hrossaræktanda Sveins Guðmundssonar á Sauðárkróki.

 

 

 

 

Eiðfaxabikarinn fyrir bestan árangur í bóklegum áfanga í hrossarækt hlaut Hrafnhildur Tíbrá Halldórsdóttir og Heiðrún Halldórsdóttir Framfarabikarinn sem veittur er í minningu Reynis Aðalsteinssonar fyrir bestu ástundun og framfarir í reiðmennsku og þjálfun á námstímanum.

 

Útskrifað úr Reiðmanninum

Að þessu sinni útskrifuðust einnig um 60 nemendur úr námskeiðsröðinni Reiðmanninum. Útskriftarhóparnir voru frá Sörlastöðum, Borgarnesi, Akureyri, Iðavöllum og Flúðum. Kennarar í verklegum greinum á þessum stöðum voru Halldór Guðjónsson, Heimir Gunnarsson, Erlingur Ingvarsson, Reynir Örn Pálmason og Ísleifur Jónasson. Um bóklega kennslu sá Gunnar Reynisson. Nemendur í Reiðmanninum taka þátt í Reynisbikarnum sem byggir á gæðingafimi og gangtegundakeppni. Þrír frá hverjum hópi taka þátt í undanúrslitum og loks er riðið til úrslita á Skeifudeginum. Að þessu sinni var það Eyrún Jónasdóttir frá Kálfholti II sem eftir mjög jafna og spennandi keppni bar sigur úr býtum.

 

Við þetta tækifæri kom Kristinn Bjarni Þorvaldsson frá Ásbirni Ólafssyni ehf og innflytjandi Kerckhaert færandi hendi og gaf Landbúnaðarháskólanum forlátan steðja, sem Ágúst Sigurðsson tók á móti og þakkaði fyrir. Auk keppnisatriða má einnig nefna glæsilega sýningu hóps sem nefnir sig Skessurnar, hópur hestakvenna úr héraðinu. „Dagurinn tókst í alla staði vel og skein bros af andlitum nemenda og þó ekki síður áhorfenda sem margir hverjir höfðu haft heppnina með sér og unnið folatolla í happadrætti hestamannafélagsins Grana. Góður árangur á björtum og fallegum sumardegi,“ segir Ásdís Helga Bjarnadóttir forstöðumaður endurmenntunardeildar LbhÍ.

 

Fleiri myndir frá Skeifudeginum birtast í næsta Skessuhorni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is