Forsíða
Auglýsing
Rss straumur af fréttum frá Skessuhorni
Rismál. Þriðji Óðinsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. apríl. 2012 02:01

Hjónanámskeið hafa nú verið haldin í fimmtán ár

Á þessu vori eru liðin 15 ár síðan fyrst voru haldin námskeið fyrir pör og sambúðarfólk undir heitinu „Jákvætt námskeið um hjónaband og sambúð“. Að sögn sr. Þórhallar Heimissonar, leiðbeinandi og höfundur námskeiðsins var fyrsta námskeiðið haldið árið 1996 í Hafnarfjarðarkirkju. „Þá var ætlunin að bjóða upp á tvö námskeið, eitt um haust og eitt að vori, og láta það duga. Viðbrögðin voru aftur á móti strax í upphafi mjög sterk og áhuginn á slíkum námskeiðum mikill. Þetta var tilboð sem greinilega vantaði inn í íslenskt samfélag á þessum tíma,“ segir Þórhallur.

 

 

 

 

Hann segir að síðan séu sem sagt liðin 15 ár í einni sjónhendingu og námskeiðin orðin óteljandi. „Þau hafa verið með ýmsu sniði. Í gegnum árin hefur verið boðið upp á þau reglulega í Hafnarfjarðarkirkju. En auk þess hafa námskeiðin verið haldin um allt land og margoft á sumum stöðum, eins og til dæmis á Akureyri, Egilsstöðum, Ísafirði og í Reykjavík. Þá hafa þau verið haldin í samvinnu við heimamenn á hverjum stað, foreldrafélög skóla, hin ýmsu félagasamtök, starfsmannafélög og þannig mætti lengi telja. Námskeiðin hafa einnig verið haldin í Osló, Stokkhólmi og Gautaborg. Fjöldinn sem hefur sótt þessi námskeið frá upphafi er í kringum 6000 pör.“

 

Þórhallur segir að ef leitað er skýringa á vinsældum námskeiðanna sé helst til að taka að þau eru byggð þannig upp að hvert og eitt par getur á námskeiðunum mótað efnið og umfjöllunina að sínu höfði. „Allir geta fundið eitthvað við sitt hæfi – en verða um leið að horfast í augu við sjálfan sig og sitt líf. Námskeiðin eru umfram allt lausnarmiðuð og mörg pör sækja námskeiðin til að efla og styrkja það sem gott er. Og heimaverkefnin hafa nýst mörgum vel til framtíðar. Þó liðin séu 15 ár frá því að námskeiðin hófust, og þó samfélagið hafi tekið algerum stakkaskiptum á þessum árum, þá er þörfin enn mikil fyrir námskeið af þessu tagi. Til að halda upp á tímamótin verður þess vegna boðið upp á hjónakvöld í Kaldalóni Hörpu mánudaginn 30. apríl næstkomandi. Þar verður reynsla áranna dregin saman og bent á nýjar leiðir fyrir pör til að styrkja samband sitt á nýjum tímum.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is