Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. maí. 2012 02:19

Miðaldatónlist í Reykholti um helgina

Via Artis Konsort heldur námskeið, tónleika og tekur þátt í messu ásamt Voces Tules helgina 5.-6. maí í Reykholti í Borgarfirði. Þá gefst tónlistarunnendum tækifæri til að kynna sér miðaldatónlist og hljóðfæri, en þá verður þar hópur tónlistarmanna frá Danmörku og Spáni sem kallar sig Via Artis Konsort ásamt íslenska kórnum Voces Tules. Þau taka þátt í verkefninu  "Norrænar pílagrímaleiðir" í samstarfi við Reykholtskirkju og Snorrastofu, en verkefnið nýtur stuðnings frá Norrænu menningarsjóðnum og Nordisk Kulturfond.

 

 

 

 

Á tónleikum Via Artis Konsort og Voces Tules Reykholtskirkju laugardaginn 5. maí kl. 16.00 verður á efnisskránni m.a. tónleikadagskráin "Söngvar af jaðarsvæðum " sem Via Artis Konsort hefur flutt víða um heim. Um er að ræða sönglög sem flokka má sem "norræna heimstónlist " og er leikið á upprunaleg hljóðfæri. Þetta eru seiðandi söngvar af jaðarsvæðum þar sem mætast austræn og vestræn tónlist, lærð tónverk og þjóðlög, austrænar hefðir og hið elsta úr evrópskum, sígildum tónlistararfi og tengist tónlistin norrænum og evrópskum pílagrímaleiðum.

 

Klukkan 13 sama dag verður boðið upp á námskeið í Hátíðasal Snorrastofu í byggingu Héraðsskólans í Reykholti, þar sem tónlistarmennirnir munu kynna tónverkin og sögu þeirra hljóðfæra, sem notuð verða á tónleikunum.

 

Tónlistarmennirnir munu einnig taka þátt í messu í Reykholtskirkju kl. 11 sunnudaginn 6. maí.

 

Aðgangseyrir að námskeiði og tónleikum er 1.500 kr.

 

Verkefnið "Norrænar pílagrímaleiðir" er spennandi tónlistarferðalag um hinar fornu leiðir pílagrímanna þar sem miðaldir og þjóðsögur mæta bæði þjóðlagatónlist og nýrri tónverkum. Leiðsögnin er í höndum hljómsveitarinnar Via Artis Konsort sem hefur helgað sig rannsóknum og flutningi á tónverkum frá miðöldum. Ferðast er um Danmörku, Svíþjóð og Noreg til Færeyja og Íslands og á leiðinni er staðið fyrir menningarviðburðum í samvinnu við stofnanir og listafólk á hinum ýmsu stöðum.

 

Hópurinn Via Artis Konsort sem stofnaður var árið 2006 sérhæfir sig í flutningi gamallar tónlistar. Markmið hópsins er að opna á ný menningarleiðir miðalda með því skipuleggja og standa fyrir tónleikum og námskeiðum á pílagrímaleiðum á Norðurlöndum, frá Esrum klaustri í Danmörku, um Svíþjóð til Niðaróss í Þrándheimi og á nokkrum stöðum á Íslandi og í Færeyjum. Hljómsveitin hefur notið ýmissa alþjóðlegra viðurkenninga og hefur staðið fyrir meira en 300 tónleikum og námskeiðum víðs vegar um Evrópu. Hún tók m.a. þátt í hátiðahöldum í tilefni þess að 800 ár voru liðin frá byggingu dómkirkjunnar í Santiago de Compostella á árinu 2011.

 

Ýmsar upplýsingar um hljómsveitina má finna á heimasíðunni viaartis.info/ og á heimasíðu Snorrastofu, www.snorrastofa.is 

Allir eru hjartanlega velkomnir til að njóta þessara viðburða í Reykholti á vordögum.

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is