Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. maí. 2012 11:35

Séra Óskar Ingi til Ólafsvíkur- og Ingjaldshólsprestakalls

Biskup Íslands hefur skipað séra Óskar Inga Ingason í embætti sóknarprests í Ólafsvíkur- og Ingjaldshólsprestakalli. Óskar Ingi mun því hætta sem sóknarprestur í Dalaprestakalli. Nýr prestur átti upphaflega að taka við embættinu í Snæfellsbæ 1. maí sl., en Óskar Ingi segir í samtali við blaðamann að hann eigi að taka við prestakallinu 1. júní en hefur tekið að sér að ferma börn þar um hvítasunnuhelgina. Kveðjumessa sr. Óskars Inga í Dalaprestkalli verður á annan dag hvítasunnu, mánudaginn 28. maí.  Óskar segist hafa átt 17 góð ár í Dölunum og þar hafi honum liðið vel, en þó sé hollt að gera breytingar einhvern tímann á starfsferlinum. „Í Ólafsvíkur- og Ingjaldshólsprestakalli eru tveir söfnuðir með öflugt tónlistarlíf og starfsemi. Ég hef kynnst fólkinu og mér hefur þótt mikið til koma um velvild fólksins gagnvart kirkjum sínum. Það er engu að síður erfitt skref að yfirgefa Dalina, en okkur hjónunum þykir spennandi að fá að taka þátt í samfélaginu í Snæfellsbæ.“

 

 

 

 

Níu manns sóttu um embættið og ekki náðist samstaða í valnefnd prestakallsins um nýjan prest. Því var málinu vísað til Biskups Íslands sem hefur þrjá kosti þegar slík staða kemur upp. Í fyrsta lagi að skipa þann umsækjanda sem hann telur hæfastan, að framlengja umsóknarfrest eða að auglýsa embættið að nýju. Biskup ákvað eftir skoðun málsins að skipa séra Óskar Inga í embættið. Staða sóknarprests í Dölum verður í framhaldinu auglýst laus til umsóknar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is