Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. maí. 2012 10:01

Hnefaleikafélag Akraness í keppnisferð í Danmörku

Dagana 3. – 6. maí sl. fóru keppendur frá Hnefaleikafélagi Akraness til keppni í Danaveldi og tóku þátt í tveimur mótum. Frá félaginu fóru Guðmundur Bjarni Björnsson, Arnór Már Grímsson og Eyþór Helgi Pétursson ásamt þjálfara sínum, Þórði Sævarssyni. Með í för voru einnig fjórir keppendur frá Hnefaleikafélaginu Æsi úr Reykjavík.  Fyrri keppnin fór fram í Nakskov á Láglandi þar sem heimamenn í BK Örnen voru gestgjafar. Þar mættust fyrstir Eyþór Helgi og Emill Lynggaard. Eins og venjulega boxaði í Eyþór í háu tempói og sótt hart en Emil lét sér nægja að svara með gagnhöggum sem rötuðu of oft inn. Þrátt fyrir það hafði Eyþór mikla yfirburði í annarri og þriðju lotu, allt undir lokin þegar Emil náði tveimur mjög góðu höggum inn. Eyþór tapaði því frekar óverðskuldað, 3-0.

Þá mætti Arnór Már Dananum Niclas Kierdorf og laut einnig í lægri haldi. Arnór átti ekki góðan dag og tapaði 3-0. Guðmundur Bjarni keppti við heimamanninn Anders Ghanoum sem mætti með fullt hús stuðningsmanna. Guðmundur átti jafnar og góðar tvær lotur en í þriðju lotu sneri Guðmundur á sér ökklann og þrátt fyrir að hann kláraði leikinn nánast á öðrum fæti tapaði hann þriðju lotunni og þar með leiknum. Það voru því tveir Skagamenn sem kepptu daginn eftir í Vordingborg og mættu tvíefldir til leiks.

 

Arnór Már mætti Alexander Bolstrup frá Jyllinge Box Team og var það án efa einn besti leikur ferðarinnar. Arnór Már byrjaði einbeittur og nákvæmur með vörnina á réttum stað og skoraði hvað eftir annað. En augnabliks kæruleysi með hendurnar niðri sendi Arnór í gólfið þegar Alexander smellhitti hann með hægri krók. Arnór hélt þó ró sinni, fékk hendurnar upp og vann sig út úr lotunni. Næstu tvær lotur voru skólabókardæmi í gagnhöggum þegar Arnór raðaði inn stigum á Alexander sem sótti hvað hann mátti og hitti lítið. Þrátt fyrir það sigraði Alexander 2-1 í viðureigninni og var mest hissa sjálfur á úrslitunum. Eftir leikinn sýndi hann þó þann drengskap ásamt þjálfara sínum að koma til okkar og viðurkenna ósigur, en úrslitin stóðu þrátt fyrir það.

 

Eyþór Helgi hafði líka sitt að sanna og óð í andstæðing sinn Casper Hansen frá fyrstu til síðustu mínútu og gaf engin grið. Casper svarði vel með hægri handar gagnhöggum en Eyþór gaf ekkert eftir og úr varð heldur mikið hnoð. Í þriðju lotu fékk Eyþór svo tekið af sér stig fyrir að halda og það var stigið sem kostaði sigurinn á dómaraspjöldunum, 2-1 sigur fyrir Casper. Í allt mjög gott seinna kvöld og greinilegt að strákarnir uxu með reynslunni. Ferðin var vel heppnuð í alla staði, vel hugsað um hópinn og ekki skemmdi góða veðrið í ferðinni fyrir. Hápunktur ferðarinnar fyrir suma var svo ferð í skemmtigarðinn Bakken fyrir utan Kaupmannahöfn og það var svo þreyttur hópur sem lenti á Keflavíkurflugvelli aðfaranótt mánudags. Framundan hjá HAK eru svo æfingar út maí, lokahóf og svo verðskuldað sumarfrí hjá keppnishópnum sem hefur staðið í ströngu þetta árið.

-þs

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is