Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. maí. 2012 09:19

Rekstrarbati hjá Grundarfjarðarbæ

Ársreikningur Grundarfjarðarbæjar fyrir árið 2011 var samþykktur við síðari umræðu í bæjarstjórn í liðinni viku. Rekstrarniðurstaða var jákvæð um 121 milljón kr. sem er verulega betri niðurstaða en árið 2010. Skýring á bættri afkomu er sú að á árinu voru ólögleg gengisbundin lán sveitarfélagsins endurreiknuð og voru tekjufærðar 206 milljónir kr. vegna þess. „Grundarfjarðarbær hefur glímt við þrönga fjárhagsstöðu undanfarin ár og er fjármagnskostnaður sveitarfélaginu þungur. Þann 15. febrúar 2010 féll dómur í Hæstarétti þar sem segir að óheimilt hafi verið að reikna Seðlabankavexti á lánin aftur í tímann. Nota átti samningsvexti lánanna. Ef dómurinn hefur almennt fordæmisgildi munu lán sveitarfélagsins lækka enn frekar en óvíst er hve mikil sú lækkun gæti orðið,“ segir í tilkynningu frá bæjarfélaginu.

 

 

 

Rekstrartekjur A hluta sveitarsjóðs voru 605 milljónir kr. og rekstrargjöld fyrir fjármagnsliði 576 milljónir kr. Framlegð af rekstri A hluta var 10,4% en var 6,9% árið 2010. Rekstrartekjur A og B hluta samtals voru 725 milljónir kr. og rekstrargjöld fyrir fjármagnsliði 652 milljónir kr. Framlegð af rekstri A og B hluta var 16,3% en var 14,1% árið 2010. Handbært fé frá rekstri A og B hluta var 41 milljón kr. og veltufjárhlutfall 0,3 en æskilegt er að þetta hlutfall sé ekki lægra en 1. Heildarskuldir og skuldbindingar A og B hluta voru 1.540 milljónir kr. í árslok 2011 og lækkuðu um 125 milljónir kr. á árinu. Hlutfall skulda og skuldbindinga af reglulegum tekjum var 197% í A hluta og 212% í A og B hluta samtals. Skuldahlutfallið hefur farið lækkandi undanfarin ár. Eigið fé A og B hluta var 119 milljónir kr. en var neikvætt um 25 milljónir kr. árið 2010. Eiginfjárhlutfall var 7% í árslok 2011.

„Megin verkefni bæjarstjórnar í fjármálum er að hækka veltufjárhlutfall og lækka skuldahlutfall. Til að ná þeim markmiðum er afar mikilvægt að fjármagnskostnaður lækki og tekjur hækki í hlutfalli við verðlagsþróun,“ segir í tilkynningu Grundarfjarðarbæjar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is