Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. maí. 2012 12:45

Brautskráning frá Fjölbrautaskóla Vesturlands á Akranesi

Í gær var brautskráning og skólaslit Fjölbrautaskóla Vesturlands á Akranesi. Voru samtals 64 nemendur brautskráðir, 38 piltar og 26 stúlkur. Flestir, eða 16, brautskráðust af félagsfræðabraut, ellefu af náttúrufræðibraut, ellefu með burtfararpróf af námsbraut í vélvirkjun og tíu eftir viðbótarnám til stúdentsprófs eftir starfsnám. Athöfnin fór fram á sal skólans. Fyrst flutti Jens B. Baldursson aðstoðarskólameistari annál vorannar og Hekla Karen Steinarsdóttir nýstúdent flutti ávarp fyrir hönd útskriftarnema. Kór Fjölbrautaskóla Vesturlands söng undir stjórn Huldu Gestsdóttur. Aðrir tónlistarmenn sem fram komu voru Ásdís Björg Björgvinsdóttir og Birgir Þórisson, Ásta Marý Stefánsdóttir og Tómas Alexander Árnason, Inga Sara Guðmundsdóttir og Anna Snæbjörnsdóttir. Af þessum sex listamönnum voru fjórir úr hópi útskriftarnema. Atli Harðarson skólameistari ávarpaði útskriftarnemendur í lok samkomunnar, árnaði þeim heilla og þakkaði þeim fyrir samveruna. Að endingu risu gestir úr sætum og sungu saman lagið Nú er sumar eftir C.E.F. Weyse við ljóð Steingríms Thorsteinssonar.

Fjöldi viðurkenninga

 

Dagný Björk Egilsdóttir sem útskrifaðist með stúdentspróf af náttúrufræðibraut í desember síðastliðnum fékk verðlaun fyrir framúrskarandi námsárangur úr sjóði Guðmundar P. Bjarnasonar. Námsstyrkur Akraneskaupstaðar skiptist að þessu sinni jafnt milli tveggja nemenda. Þeir eru Brynjar Sævarsson sem lauk viðbótarnámi til stúdentsprófs eftir nám í rafvirkjun og Kristín Björk Lárusdóttir sem lauk stúdentsprófi af náttúrufræðibraut. Kristín Björk fékk jafnframt viðurkenningu skólans fyrir bestan árangur á stúdentsprófi á vorönn 2012.

 

Nokkrir útskriftarnemar fengu verðlaun og viðurkenningar fyrir góðan námsárangur og störf að félagsmálum. (Nöfn þeirra sem gáfu verðlaun eru innan sviga):

 

Ásdís Björg Björgvinsdóttir fyrir góðan árangur í efnafræði (Efnafræðifélag Íslands), í ensku (Landsbankinn á Akranesi) og fyrir störf að félags- og menningarmálum (Minningarsjóður Karls Kristins Kristjánssonar)

Brynjar Sævarsson fyrir góðan árangur í eðlisfræði og efnafræði (Háskólinn í Reykjavík)

Hekla Karen Steinarsdóttir fyrir störf að félags- og menningarmálum (Minningarsjóður Karls Kristins Kristjánssonar)

Ingibjörg Sara Guðmundsdóttir fyrir góðan árangur í ensku og frönsku (Sendiráð Kanada á Íslandi), í efnafræði (Þörungaverksmiðjan hf.), íslensku og sögu (Bókaútgáfan Uppheimar), íþróttum (Endurskoðunarskrifstofa Jóns Þórs Hallssonar) og fyrir störf að félags- og menningarmálum (Minningarsjóður Karls Kristins Kristjánssonar)

Karen Gréta Minney Pétursdóttir fyrir góðan árangur í uppeldisfræði (Eymundsson Akranesi)

Kristín Björk Lárusdóttir fyrir bestan árangur á stúdentsprófi á vorönn 2012 (Fjölbrautaskóli Vesturlands), fyrir góðan árangur í stærðfræði (Norðurál ehf.), í frönsku (Íslandsbanki á Akranesi), í eðlisfræði og efnafræði (Gámaþjónusta Vesturlands), líffræði (Soroptimistasystur á Akranesi) og fyrir störf að félags- og menningarmálum (Minningarsjóður Karls Kristins Kristjánssonar)

Martha Lind Róbertsdóttir fyrir störf að félags- og menningarmálum (Minningarsjóður Karls Kristins Kristjánssonar)

Orri Jónsson fyrir góðan árangur í stærðfræði (Skaginn og Ellert hf.)

Ólöf Eir Jónsdóttir fyrir góðan árangur í frönsku (Kaupfélag Borgfirðinga)

Tómas Alexander Árnason fyrir störf að félags- og menningarmálum (Elkem Ísland)

Valgerður Helgadóttir fyrir góðan árangur í stærðfræði (GT Tækni ehf.)

Örn Viljar Kjartansson fyrir störf að félags- og menningarmálum (Rótarýklúbbur Akraness)

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is