Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. maí. 2012 02:52

Skólastjóri og nefndarfólk við Heiðarskóla segja af sér embættum

Skólastjóri sameinaðs- leik og grunnskóla í Hvalfjarðarsveit hefur sagt starfi sínu lausu. Ingibjörg Hannesdóttir fráfarandi skólastjóri hefur gegnt starfinu í eitt ár. Hún hefur fengið boð um starf á öðrum vettvangi og hefur í hyggju að söðla um, að því er fram kemur á vef Hvalfjarðarsveitar. Sveitarstjórnarfundur í Hvalfjarðarsveit í gær var viðburðaríkur að því leyti að þar kom fram að þrír nefndarmenn í fræðslu- og skólanefnd hafa sagt sig úr nefndinni, auk þess sem formaður nefndarinnar óskaði eftir lausn frá störfum út kjörtímabilið. Það er Birna María Antonsdóttir sem einnig er fulltrúi í sveitarstjórn, en hún er að hverfa til starfa og náms utan sveitarfélagsins.

 

 

 

 

Eftir verður þá aðeins einn fulltrúi í fræðslu- og skólanefnd af fimm þannig að ljóst er að eitthvað hefur gengið á í sambandi við skólamálin í Hvalfjarðarsveit, þótt fram komi í bókun fulltrúa í fræðslu- og skólanefnd að samstarfið hafi verið gott og þökkuðu þeir fráfarandi skólastjóra störf. Í bókun Birnu Maríu segir m.a.: „Fræðslu- og skólanefnd þakka ég fyrir frábæra samvinnu þar sem aldrei bar á flokkadráttum og allir nefndarmenn unnu af heilindum og ósérhlífni við að efla menntun og velferð barna í Hvalfjarðarsveit.”

 

Á fundi sveitarstjórnar í gær var samþykkt að fela Laufeyju Jóhannsdóttur sveitarstjóra að ganga frá starfslokum við Ingibjörgu skólastjóra, en hún hefur óskað eftir að losna úr starfi sem fyrst. Á fundi sveitarstjórnar var einnig upplýst að fræðslu- og skólanefnd mun hittast í þessari viku og fjalla um ráðningu nýs skólastjóra. Sviðsstjórar leikskóla og grunnskólasviðs Heiðarskóla munu sjá um daglegan rekstur og undirbúning næsta skólaárs þar til nýr skólastjóri hefur verið ráðinn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is