Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. maí. 2012 02:50

Fjör á dimmiteringu útskriftarnema Menntaskóla Borgarfjarðar

Verðandi stúdentar við Menntaskóla Borgarfjarðar dimmitera í dag með pompi og prakt. Hefð er fyrir því að nemendurnir dubbi sig upp í skemmtileg gervi í tilefni dagsins og í ár voru M&M súkkulaðimolar fyrir valinu. Fyrir vikið eru útskriftarnemar í öllum regnbogans litum. Nemarnir fylgja þéttri dagskrá í dag. Byrjað var á morgunverði með kennurum skólans klukkan átta í Hjálmakletti og að honum loknum héldu nemendur í ökuferð um Borgarnes í vagni dregnum af dráttarvél. Er þetta í fyrsta skipti sem hersing af M&M molum fer á rúntinn um Borgarnes og því vakti aksturinn nokkra eftirtekt bæjarbúa. Nemarnir stoppuðu við á leið sinni um bæinn í grunnskólanum og loks á Dvalarheimili aldraðra þar sem hópurinn söng nokkur vel valinn lög fyrir heimilisfólk. Leiðin lá loks aftur í Hjálmaklett þar sem útskriftarnemar settu á svið árlega revíu þar sem skólaárið var gert upp með háðslegum hætti. Fjölmenni mætti í Hjálmaklett til að fylgjast með og létu gestir vel af uppfærslu útskriftarnema. Skólaárinu í MB lýkur í næstu viku og fer útskriftarathöfn skólans fram næstkomandi föstudag.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is