Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. maí. 2012 04:17

Sjö bílveltur í Dölum á tólf dögum

Á tólf daga tímabili fram að gærdeginum urðu ekki færri en sjö umferðaróhöpp á vegum í Dalasýslu. Meiðsli á fólki voru einhver í öllum tilfellum, en oft fór betur en ætla mátti við fyrstu sýn við aðkomu á slysstaðina. Jóhannes B Björgvinsson lögregluþjónn í Dölum segist krossa fingur að þessari hrinu óhappa fari nú að ljúka. „Oft verður hrina óhappa á vorin þegar útlendingar á bílaleigubílum fara að aka hér um sveitirnar og lenda í ógöngum þegar þeir fara að aka á malarvegum. Nú bregður hins vegar svo við að fólk á bílaleigubílum á ekki hlut í neinu þeirra sjö óhappa og slysa sem orðið hafa að undanförnu. Að vísu áttu útlendingar hlut að máli í þremur þessara slysa en þeir voru ekki á bílaleigubílum og jafnvel búsettir hér á landi. Í flestum tilfellum hefur mátt kenna um hraðakstri, lausamöl og lausagöngu búfjár á vegunum,“ segir Jóhannes.

 

 

 

 

Í slysi sem varð sl. fimmtudag norðan við Búðardal flaug bíll sem valt 34 metra í frjálsu falli og endaði síðan för tæpa hundrað metra utan við veginn. Beita þurfti klippum á bílinn til að losa fullorðinn mann úr honum. Var hann fluttur slasaður á sjúkrahús í Reykjavík til aðhlynningar. Þá voru þrjú ungmenni af erlendu bergi brotin, en búsett hér á landi, í bíl sem valt sunnan við Búðardal í gær. Voru þau flutt á heilsugæslustöðina í Búðardal og sluppu með minni háttar meiðsl, sem verður að teljast mikil mildi miðað við aðstæður, að sögn Jóhannesar lögregluþjóns. Bíllinn er gjörónýtur. Kenna má hraðakstri um óhappið sem varð á beinum kafla á bundnu slitlagi.

 

Jóhannes telur að ástæður þessara óhappa megi reka til aukinnar umferðar og að ekið sé of hratt miðað við aðstæður. Hann vill að endingu beina þeim tilmælum til ökumanna sem leið eiga um Dali og aðra staði í umdæmi lögreglunnar að fara varlega og virða hraðatakmarkanir.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is