Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. maí. 2012 03:01

Nokkuð um svarta atvinnu á Vesturlandi

Samkvæmt nýrri skýrslu Alþýðusambands Íslands, Samtaka Atvinnulífsins og Ríkisskattstjóra þá telst um 12% vinnandi fólks í fyrirtækjum með undir milljarð í veltu á Vesturlandi vinna svart. Skýrslan byggir á könnun sem fulltrúar aðilanna þriggja gerðu í sérstöku átaki gegn svartri atvinnustarfsemi í vetur. Könnunin fór fram dagana 18. október til 27. mars. Síðasta sumar gerðu sömu aðilar álíka könnun og gefa því niðurstöður nú athyglisverðan samanburð við fyrra átak gegn svartri vinnu.

Í heildina voru 689 fyrirtæki heimsótt á landinu öllu, þar af 32 á Vesturlandi. Í átakinu síðasta sumar, sem var umfangsmeira, voru 1.665 fyrirtæki sótt heim, þar af 78 á Vesturlandi. Könnunin fór þannig fram að sérstök teymi heimsóttu valin fyrirtæki. Í heimsókninni var starfsemi fyrirtækjanna könnuð og atvinnurekendur jafnt sem launafólk frætt eftir aðstæðum um reglur og lagaramma er snúa að launamálum. Teymin könnuðu loks sérstaklega hvernig viðkomandi fyrirtæki uppfylltu m.a. skyldur um tekjuskráningu, skilum á virðisaukaskatti og launa- og starfssamband við starfsfólk.

 

 

 

 

Niðurstöður heimsóknanna sýna að af þeim 81 starfsmanni sem vinna við fyrirtækin 32 á Vesturlandi voru tíu starfsmenn sem töldust vinna svart, þ.e. borguðu ekki skatta og skyldur af vinnu sinni. Hlutfallið er 12,3%. Þetta er þó ívið lægra hlutfall en var síðasta sumar. Af þeim 238 starfsmönnum fyrirtækjanna 78 sem þá voru heimsótt á Vesturlandi voru 36 sem unnu svart, eða 15,1%. Lækkunin nemur því 1,4% milli kannana. Fram kemur einnig í skýrslunni að mest er stunduð svört atvinnustarfsemi hjá fyrirtækjum með gisti- og veitingastarfsemi. Næst á eftir kemur smásölugeirinn. Vesturland er nokkru yfir landsmeðaltali sem mælist 7,6% í þetta skipti. Í átakinu síðasta sumar mældist það 11,9%.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is