Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. júní. 2012 09:01

Kári hafði betur í Vesturlandsslagnum

Grundarfjörður og Kári áttust við í sannkölluðum Vesturlandsslag í blíðskaparveðri föstudaginn 1. júní síðastliðinn. Fyrri hálfleikur var frekar tíðindalítill en bæði lið spiluðu varfærnislega til að byrja með. Staðan í hálfleik var markalaus. Í seinni hálfleik voru ekki liðnar nema fjórar mínútur þegar að einum Grundfirðingi var brugðið inni í vítateig Káramanna og dómarinn flautaði og benti á vítapunktinn. Predrag Milosavljevic steig á punktinn og skoraði af miklu öryggi 1-0 heimamönnum í vil. Við þetta mark bökkuðu Grundfirðingar aðeins og Káramenn spýttu í lófana og byrjuðu að sækja meira. Það bar svo árangur á 68. mínútu þegar að Gísli Freyr Brynjarsson jafnaði metin í 1-1 með góðu skoti í fjærhornið. Aðeins sjö mínútum síðar var Gísli Freyr svo aftur á ferðinni þegar hann skoraði stórglæsilegt mark og kom Kára yfir í leiknum 1-2.

Grundarfjörður reyndi að sækja meira og freistaði þess að jafna metin en það voru Káramenn sem áttu lokaorðið. Misskilningur var í vörn heimamanna og gamla brýnið Valdimar Kristmunds Sigurðsson, spilandi þjálfari Kára, slapp einn inn fyrir vörnina og kom Kára í 3-1 og þar við sat. Við þetta fór Kári í annað sætið í riðlinum með 6 stig eftir þrjá leiki en Grundfirðingar eru í næst neðsta sæti án stiga eftir tvo leiki. Næsti leikur Kára er svo útileikur gegn Þrótti Vogum mánudaginn 11. júní næstkomandi en á sama tíma fer Grundarfjörður inn í Stykkishólm til að etja kappi við nágranna sína í Snæfelli.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is