Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. júní. 2012 01:01

Útifundur þar sem sjávarútvegsfrumvörpum var mótmælt

Sjómenn, útgerðarmenn, landverkafólk og fleiri hagsmunaaðilar í sjávarútvegi komu saman til útifundar á Austurvelli sl. fimmtudag þar sem kvótafrumvörpum ríkisstjórnarinnar var harðlega mótmælt. Lögregla áætlar að um tvö þúsund manns hafi mætt á fundinn. Hluti hópsins sem staddur var á Austurvelli var reyndar mættur þar í þeim tilgangi að mótmæla útvegsmönnum og málstað þeirra og bauluðu þegar ávörp voru flutt. Um tíma var loft þrungið spennu þar sem andstæðar fylkingar komu saman á litlum túnbletti. Til óspekta kom þó ekki en töluvert um frammíköll og háreisti. Viðbúnaður lögreglu var töluverður og var þinghúsið til að mynda girt af eins með rammgerðum girðingum. Á mótmælafundinum fluttu ávörp fulltrúar sveitarstjórna, LÍU, Farmanna- og fiskimannasambandsins, stoðfyrirtækja við sjávarútveg og skipsstjórnarmanna.

 

 

 

 

Frummælendur kröfðust þess m.a. að haft yrði samráð við hagsmunaaðila þegar kvótafrumvörpin verða afgreidd sem lög. Í máli þeirra var hvatt til að tekið verði tillit til umsagna þar sem fram kemur hörð gagnrýni á frumvarpsdrögin eins og þau líta nú út. Fyrirhugað veiðigjald væri t.d. of hátt og myndi þar að auki virka sem enn einn landsbyggðarskatturinn. Um sjötíu stórum fiskiskipum var siglt til Reykjavíkurhafnar vegna fundarins og hafa ekki verið svo mörg skip þar á sama tíma í áratugi. Eftir útifundinn héldu skipin út til veiða.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is