Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. júní. 2012 10:48

Skagamenn úr leik í Bikarkeppninni

ÍA er úr leik í Borgunarbikarnum, Bikarkeppni KSÍ, eftir 2:1 tap gegn KR-ingum í 32-liða úrslitunum í kvöld. Fjölmargir áhorfendur mættu á Akranesvöll  og sáu fjörlegustu byrjun í leik Skagamanna á þessu sumri. Þrátt fyrir að heimamenn sóttu grimmt fyrstu 20 mínútur leiksins og Fjalar Þorgeirsson markvörður KR þyrfti oft að grípa inn í, var ÍA 2:0 undir þegar þessi  tími var liðinn af leiknum. Dofri Snorrason braust upp hægri kantinn á 4. mínútu og sendi góðan bolta inn í teiginn á Atla Sigurjónsson sem  skaut boltanum í stöng og inn. Á 20. mínútu geystist svo Óskar Örn Hauksson upp kantinn vinstra megin, lék á tvo Skagamenn og skaut boltanum í fjær hornið framhjá Páli Gísla í marki Skagamanna. KR-ingar voru svo betra liðið fram að leikhléinu án þess að stórvægileg tíðindi gerðust. Skagamenn urðu á þeim tíma að gera tvær breytingar. Mark Doningar og Kári Ársælsson fóru meiddir af velli og inn komu Dean Martin og Andri Geir Alexandersson.

ÍA var mun betra liðið í seinni hálfleiknum og sótti linnulítið að marki KR-inga. Skagamenn lögðu allt í sölurnar og undir lokin var Ármann Smári Björnsson færður úr vörninni í framlínuna. Barátta heimamanna bar árangur á 87. mínútu þegar Andri Adolphson var felldur í vítateignum. Jóhannes Karl Guðjónsson skoraði af öryggi úr vítinu og minnkaði muninn í 1:2. Lengra komust Skagamenn ekki þrátt fyrir að sækja grimmt allt til leiksloka. Þeir eru því úr leik og það eru KR-ingar sem fara í 16-liða úrslitin. Vesturbæingar náðu þar með að hefna tapsins fyrir ÍA í annarri umferð Pepsídeildarinnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is