Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. júní. 2012 03:17

Varp kríu og ritu fer vel af stað

Náttúruvísindafólk hjá Náttúrustofu Vesturlands og Rannsóknasetri Háskóla Íslands á Snæfellsnesi fór fyrir helgina út í Hvítabjarnarey á Breiðafirði að kanna varp ritu. Jón Einar Jónsson forstöðumaður Rannsóknasetursins segir varpið fara vel af stað hjá ritu þetta vorið, tvö og þrjú egg hafi verið í hverju hreiðri. Þá fundust fyrstu kríuhreiðrin á Stykkishólmsflugvelli þann 8. júní, sem er í fyrra fallinu miðað við flest undanfarin ár. Varp ritu og kríu hefur misfarist nánast algjörlega síðustu tvö til þrjú árin og verið í slakara lagi frá árinu 2004.

 

 

 

 

 

„Hjá ritunni skoðuðum við 240 hreiður og þar af voru tveir þriðju með tveimur eggjum í hreiðri. Undanfarin þrjú ár hafa hreiður með ekkert eða eitt egg verið í meirihluta. Þetta bendir til að fullorðnu riturnar séu í betra líkamlegu ásigkomulagi núna,” segir Jón Einar. Hann segir að framvindan fari reyndar mikið eftir sílisgengd síðsumars. Varp bæði kríu og ritu byrjaði ágætlega vorið 2008 en síðan brást sílagengdin síðsumars sem olli miklum afföllum. Auk skoðunar á varpinu í Hvítabjarnareyjum verður líka farið í björgin til eggjatalningar, í Svörtuloft, Þúfubjarg og á Arnarstapa. Sá leiðangur verður farinn í næstu viku, að sögn Jóns Einars.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is