Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. júní. 2012 12:00

Olli tjóni og hættu í umferð

Síðastliðinn föstudag tilkynnti íbúi við Suðurgötu á Akranesi að ekið hefði verið á bíl hans aðfaranótt föstudagsins og sá sem þar var að verki hefði stungið af án þess að láta vita af óhappinu. Skömmu síðar fannst bifreið skammt frá vettvangi sem passaði við verksummerki. Reyndist hún töluvert skemmd og greinilegt að hún hafði lent í fleiri óhöppum en því sem tilkynnt var. Meðan verið var að rannsaka bifreiðina barst tilkynning til lögreglu að fólksbifreið væri ekið með ofsafengnum hætti um götur í Flata- og Skógarhverfi, upp á kantsteina og gangstéttir. Hafði ökumaður ekið niður umferðarskilti á Þjóðbraut og síðan horfið á mikilli ferð. Ekki vildi betur til en svo að númeraplata framan af bifreiðinni hafði dottið af þegar henni var ekið upp á kantstein og því hófst leit lögreglu að bifreiðinni. Hún fannst svo skömmu síðar í iðnaðarhverfi en var þá mannlaus. Lögregla lagði hald á bílinn og kom í ljós að tengsl voru milli eigenda þessa bíls og þess sem fundist hafði fyrr um morguninn. Voru báðar bifreiðar fluttar á lögreglustöð í trygga geymslu.

Skömmu síðar gaf eigandi bifreiðarinnar sem fannst í iðnaðarhverfinu sig fram. Reyndist hann mjög ölvaður og undir áhrifum lyfja og fíkniefna. Við leit á honum fundust lyklar að bifreiðinni sem hann hafði valdið tjóni með um nóttina. Við yfirheyrslur síðar um daginn þegar runnið var af manninum játaði hann sakir, en minni hans um atburði næturinnar og morgunsins var mjög gloppótt, að sögn lögreglu.  

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is