Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. júní. 2012 01:04

ÍA lá fyrir Eyjamönnum

Skagamenn hittu fyrir ofjarla sína í gærkvöld þegar Eyjamenn komu í heimsókn á Akranesvöll í 7. umferð Pepsídeildarinnar, en leiknum lauk með 4:0 sigri gestanna. Leikurinn var fjörugur á að horfa og jafnræði með liðunum í fyrri hálfleiknum en ekki mikið um færi. Páll Gísli varði vel skot af stuttu færi snemma leiks og hinum megin voru Eyjamenn heppnir þegar skot Gary Martin hafnaði í þverslánni á 14. mínútu. Tryggvi Guðmundsson átti þrumskot á mark ÍA en boltinn hafnaði í varnarmanni ÍA og spýttist yfir markið. Þetta gerðist upp úr miðjum hálfleiknum og undir lok hans fengu heimamenn dauðafæri þegar Jón Vilhelm skaut yfir af stuttu færi.

Markalaust var því í leikhléinu og áfram hélst jafnræði með liðunum í byrjun seinni hálfleiks. Eyjamenn voru ákveðnari og þeim tókst að skora á 63. mínútu, var Ian Jeffs þar á ferðinni. Þremur mínútum síðar kom besti maður vallarins Christan Steen Olsen ÍBV í 2:0. Skagamenn fengu tækifæri að minnka muninn, fyrst Andri Adolphson og síðan Eggert Kári Karlsson. Eyjamenn virtust þó nær því að skora þriðja markið og það kom á 88. mínútu og aftur var Olsen á ferðinni. Eyjamenn voru óstöðvandi undir lokin. Þórarinn Ingi Valdimarsson var felldur í teignum á lokamínútu venjulegs leiktíma. Páll Gísli Jónsson besti maður ÍA gerði sér lítið fyrir og varði vítið frá Olsen. En Daninn hafði ekki sagt sitt síðasta orð. Hann geystist upp allan völl á 93. mínútu og fullkomnaði þrennu sína í sanngjörnum sigri Eyjamanna, sem nú eru komnir með 8 stig en ÍA er sem fyrr með 14.

Sama baráttan og sigurviljinn einkenndi ekki leik Skagamanna í kvöld og fram til þessa á tímabilinu. Um 2000 áhorfendur voru á Akranesvelli í kvöld. Næsti leikur ÍA í Pepsídeildinni verður á Hlíðarenda miðvikudagskvöld gegn Val.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is