Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. júní. 2012 08:01

Bjarkalundur er elsta starfandi sumarhótel landsins

Hótel Bjarkalundur í Reykhólasveit, sem nú er elsta sumarhótel landsins, var tekið í notkun með myndarlegri vígsluhátíð 29. júní 1947. Í tilefni 65 ára afmælisins verður afmælishátíð í Bjarkalundi um næstu helgi, dagana 29.-30. júní. Að kvöldi föstudagsins verður grillveisla í boði Bjarkalundar kl. 17-20 og síðan varðeldur með almennum söng og gamni. Bogaskyttan Gulla á Gróustöðum kveikir varðeldinn með logandi ör. Sr. Elína Hrund Kristjánsdóttir sóknarprestur á Reykhólum setur hátíðina með helgistund kl. 14 á laugardaginn. Guðjón Arnar Kristjánsson fv. alþingismaður og ævivinur Bjarkalundar flytur afmælisræðu og sönghópurinn Litlu flugurnar tekur lagið. Undir kaffihlaðborði kl. 15-17 verður skjávarpasýning á myndum úr sögu staðarins allt frá fyrstu árunum og fram á þennan dag.

 

 

 

 

Um kvöldið kemur annað afmælisbarn héraðsins við sögu. Það er Kristinn Bergsveinsson frá Gufudal, sem varð tvítugur á vígsludegi Bjarkalundar og verður því 85 ára á afmælisdegi hótelsins. Síðari árin hefur Kristinn verið búsettur á Reykhólum. Hann var á vígsluhátíðinni fyrir 65 árum og ætlar að segja frá þeim eftirminnilega degi undir hátíðarkvöldverði sem stendur kl. 18.30-21. Dagskránni lýkur með dansleik þar sem Skógarpúkarnir halda uppi fjöri fram á nótt líkt og tíðkaðist á sveitaböllum í Bjarkalundi við Berufjarðarvatn á fyrri tíð.

Í tilkynningu segir að eigendur og starfsfólk Bjarkalundar voni að ungir sem aldnir heiðri staðinn með nærveru sinni á afmælisfagnaðinum og hlakka til að sjá sem flesta.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is