Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. júní. 2012 01:33

Miðsumarrallý BÍKR haldið í óþökk heimafólks

Bifreiðaíþróttaklúbbur Reykjavíkur hefur fengið leyfi sýslumannsins í Borgarnesi til að halda svokallað Miðsumarrallí á malarvegunum sem liggja um Kaldadal, veginum að Surtshelli í Hallmundarhrauni frá Kalmanstungu, aftur til baka sömu sérleiðir og um hluta Uxahryggjavegar. Rallíkeppnin fer fram seint annað kvöld, föstudaginn 29. júní, og fram á nótt. Ræst verður inn á fyrstu sérleið um Kaldadalsveg klukkan 22:15 en þá síðustu klukkan 01:15 þegar ekinn verður kafli af Uxahryggjavegi niður að Þverfelli. Heimamenn hafa lýst óánægju með rallíakstur sem þennan á viðkvæmum malarvegum sem nú bera fyrst og fremst merki um skort á viðhaldsfé. Skemmst er að minnast bókunar sem samþykkt var á fundi umhverfis- og landbúnaðarnefndar Borgarbyggðar 15. júní sl. þar sem fjallað er um ástand malarvega í sveitarfélaginu. „Nefndin telur óásættanlegt hve viðhald malarvega er lítið af hálfu Vegagerðarinnar. Víða eru vegir hvorki rykbundnir né heflaðir í sveitarfélaginu. Afar erfitt er fyrir matvælaframleiðendur og ferðaþjónustuaðila að búa við þessar aðstæður. Ferðamenn sniðganga malarvegi í þessu ástandi eins og kostur er. Auk þess sem þetta hefur víðtæk áhrif á daglegt líf íbúa. Nefndin beinir því til sveitarstjórnar að beita sér í þessu máli,“ segir í bókuninni.

 

„Fráleitt að loka vegi að ferðaþjónustu“

„Mér þykir það skjóta skökku við að á krepputímum þegar ekki fæst nokkurt fé til vegabóta að þá skuli vera leyft að halda akstursíþróttamót á vegunum sem vitað er fyrirfram, eins og tíðarfarið er í dag með þurrum vegum, að allt laust og fíngert vegaefni mun fjúka úr þeim,“ segir Snorri Jóhannesson veiðivörður á Arnarvatnsheiði og ferðaþjónustuaðili við Hraunfossa. Snorri bendir á í þessu samhengi að vegurinn frá Kalmanstungu sé eina aðkoman að Arnarvatnsheiði þar sem rekin er ferðaþjónusta og veiðimenn eru gjarnan á ferðinni seint á föstudagskvöldum. „Auk þess má geta þess að nú standa yfir fjárflutningar á Arnarvatnsheiði og þessi tími sólarhringsins er gjarnan notaður til þeirra flutninga enda eru bændur beðnir um að vera ekki með fjárkeyrslu á mesta annatíma á vegunum. Í aðdraganda þess að leyfi var veitt var ekki haft fyrir því að hafa samband við nokkurn þeirra aðila sem hafa hagsmuna að gæta, svo sem Veiðifélagið á Arnarvatnsheiði,“ segir Snorri.

Samkvæmt heimildum Skessuhorns er urgur meðal starfsmanna Vegagerðarinnar vegna þess að leyfi hafi verið gefið fyrir fyrrgreindri rallýkeppni, enda vita menn þar að fjármagn til viðhalds malarvega er í sögulegu lágmarki. Nú er einmitt nýlega búið að lagfæra vegina að Surtshelli og Kaldadalsveg fyrir ferðaþjónustutímabilið og verður ekki um frekari lagfæringar á þeim vegum að ræða í sumar.  

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is