Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. júlí. 2012 06:30

Úthlutanir Vaxtasamnings Vesturlands

Á fundi Vaxtarsamnings Vesturlands 26. júní voru sjö umsóknir um styrki teknar fyrir. Í heildina var 8,4 milljónum króna úthlutað til margvíslegra verkefna. Umsóknir um styrki voru afgreiddar á þessa vegu: Sígildar sögur ehf. og samstarfsaðilar sóttu um 2.000.000 kr. vegna Miðaldabaða í landi Hraunsás skammt frá Húsafelli. Afgreiðslu styrksins var frestað. Æðarsetur Íslands fékk 2.000.000 kr. en umsókninni hafði áður verið frestað. Þróunarfélag Snæfellinga sóttu um og fékk 2.000.000 kr. til framhaldsstuðnings vegna þróunarverkefna á Snæfellsnesi. Þórishólmi ehf., Matís og Iceland Seafood ehf fengu 1.200.000 krónur til vinnslu og markaðssetningar ígulkerahrogna. Reykhöll Gunnu ehf., Matís og Sjávariðjan í Rifi fengu 1.200.000 kr. til vöruþróunar og markaðssetningar sjávarfangs. GT tækni, Samband Sveitarfélaga á Vesturlandi og Nýsköpunarmiðstöð Íslands fengu 500.000 kr. til aðfanga- og afurðagreiningar iðnaðarsvæðisins á Grundartanga. Iceland Treasures og samstarfsaðilar fengu 1.500.000 kr. vegna vöruþróunarverkefnis.

 

 

 

 

Vaxtarsamningurinn hefur úthlutað styrkjum frá 2007. Samkvæmt núgildandi samningi fær Vaxtarsamningurinn 25 milljónir króna á ári til að úthluta til ýmissa verkefna. Torfi Jóhannesson verkefnastjóri Vaxtarsamningsins segir að engar sérstakar áherslur hafi verið á styrkveitingunum frekar en vanalega. „Við erum aðallega með langtímaáætlun fyrir fjögurra ára tímabil, 2010-2014, og gerum ekki áherslumun milli ára. Við stefnum alltaf á að úthluta öllu sem við fáum á hverju ári. Við höldum fjóra fundi á ári þar sem allar umsóknir eru teknar fyrir. Á síðasta ári vorum við með átak og héldum kynningarfundi og kynntum samninginn um Vesturland og fengum yfir 50 umsóknir. Síðan 2007 höfum við farið ýmsar leiðir í kynningu, svo sem með fundahaldi, auglýsingum og á heimasíðunni.“

Í blaði vikunnar kemur fram að einungis hafi einn styrkur verið veittur á fundi Vaxtarsamningsins í mars á þessu ári. Það er ekki rétt og hér með er það leiðrétt. Omnis og fleiri aðilar fengu 2.750.000 kr. vegna undirbúnings fyrir gagnaver á Vesturlandi. Landbúnaðarháskóli Íslands, Matís og Borgarbyggð fengu 1.000.000 kr. til undirbúnings matarsmiðju á Hvanneyri. Nokkur ferðamálafélög, sveitarfélög og Markaðsstofa Vesturlands fengu 1.100.000 kr. vegna uppsetningar á heimasíðum til markaðssetningar á einstökum svæðum innan Vesturlands. Artemis-Photos og nokkrir ferðaþjónustuaðilar á Vesturlandi fengu 1.000.000 kr. til markaðssetningar og sölu á ferðum fyrir ljósmyndara. Þremur öðrum umsóknum var hafnað og afgreiðslu á tveimur var frestað.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is