Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. júlí. 2012 04:01

Ítrekuð skemmdarverk við Byggðasafnið í Görðum

„Því miður virðist eitthvað þessu líkt gerast á hverju sumri,“ sagði Jón Allansson safnvörður á Byggðasafninu í Görðum á Akranesi um skemmdir sem unnar voru á safnmunum þar utanhúss eina nóttina í lok júní. Bátar voru skemmdir, rúður brotnar í hjalli og skemmu auk þess sem hurðir þeirra voru brotnar.

Tómas Guðmundsson verkefnastjóri Akranesstofu segir verið að íhuga hvernig hægt sé að bregðast við svona skemmdarverkum. „Þetta svæði ásamt fleirum er vaktað af öryggisvörðum sem eiga að fara þarna um tvisvar til þrisvar sinnum á nóttu. Það má vel vera að við setjum þarna upp öryggismyndavélar eða neyðarlendingin verði að girða svæðið af eins og gert er á Árbæjarsafni.“ Svipað hefur verið upp á teningnum með salernishúsin við Langasand en þau hafa ítrekað verið skemmd og jafnvel reynt að kveikja í þeim.

 

 

 

 

Tómas segir víðar þurfa að horfa á varnir gegn skemmdarverkum. „Nú erum við að fara út í viðgerðir á gamla vitanum á Suðurflös og þegar þeim er lokið þarf að gera einhverjar ráðstafanir gegn þessum eyðileggingaröflum þar. Allar rúður í vitanum er búið að brjóta og eyðileggja hurðina líka. Það er engu líkara en að ef ein spýta brotnar einhvers staðar eða ein rúða þá sé komið skotleyfi á allt annað. Sem betur fer eru þó aðrir staðir sem hafa fengið að vera í friði og auðvitað er þetta bara einhver mjög takmarkaður hópur sem stundar þessa eyðileggingu. Við verðum bara að höfða til bæjarbúa að vera einnig á vaktinni og láta vita ef þeir verða varir við skemmdarverk á þessum sameiginlegu eigum okkar. Auðvitað er þetta allt kært til lögreglu en hún getur átt erfitt um vik með að upplýsa mál þegar langt er liðið frá þessum athæfum.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is