Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. júlí. 2012 11:08

Velferðarráðherra undirritar viljayfirlýsingu um endurbætur í Stykkishólmi

Í gær, miðvikudaginn 4. júlí, undirritaði velferðarráðherra, Guðbjartur Hannesson viljayfirlýsingu um endurskipulagningu og innréttingu húseigna Heilbrigðisstofnunar Vesturlands í Stykkishólmi. Viðstaddur var hópur starfsmanna og fulltrúar bæjarfélagsins við athöfn í húsakynnum stofnunarinnar á staðnum. Undir yfirlýsinguna rituðu einnig forstjóri HVE og forseti bæjarstjórnar Stykkishólms og fluttu þeir báðir ávarp að lokinni kynningu ráðherra og lýstu ánægju sinni með yfirlýst markmið. Þetta kemur fram á heimasíðu HVE.

Með yfirlýsingunni hefur verið ákveðið að ljúka við gerð aðalteikninga af breytingum á húsnæði HVE við Austurgötu 7 í Stykkishólmi samkvæmt þeirri frumhönnun sem þegar liggur fyrir á teikningum Arkís arkitekta. Þar er sýnd notkun húsnæðis fyrir heilsugæslustöð í bænum, bakdeild auk fjögurra sjúkraherbergja, eins bráðaherbergis, fimmtán íbúða hjúkrunarheimilis og fimm dvalarheimilisíbúða.

Á heimasíðu HVE segir að aðalteikningar muni væntanlega liggja fyrir síðar á þessu ári og að þá verði leitað samþykkis byggingaryfirvalda í Stykkishólmi á framkvæmdinni og heimildar fjármálayfirvalda landsins til fullnaðarhönnunar og vinnslu útboðsgagna. Þegar þessi gögn liggja fyrir verði leitað heimildar fjármálaráðuneytis og Stykkishólmsbæjar til útboðs. Stefnt sé að því að hraða þessari framkvæmd eftir því sem kostur er.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is