Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. júlí. 2012 05:04

Stór samningur Norðuráls við íslenska fyrirtækið Alu1

Norðurál á Grundartanga hefur undirritað samning við íslenska verkfræðifyrirtækið Alu1 um heildarlausn á sérhæfðum framleiðslubúnaði fyrir skautsmiðju álversins. Verkið var boðið út á fjölþjóðlegum vettvangi og varð Alu1 hlutskarpast í þeirri samkeppni. Sú þjónusta sem Alu1 selur Norðuráli felur m.a. í sér hönnun og smíði á vélasamstæðum með tilheyrandi fylgihlutum ásamt stjórntölvu. Heildarlausnin og aðalhluti vélbúnaðarins eru hönnuð af sérfræðingum íslenska fyrirtækisins. Vélarnar sjálfar koma ýmist frá erlendum aðilum eða eru sérframleiddar en stefnt er að því að sem mest af þeim verði framleitt á Íslandi. Upphæð samningsins er hátt í milljarð króna fyrir utan virðisaukaskatt.

 

 

 

 

 „Þetta verkefni á Grundartanga er metnaðarfullt og hefur mikla þýðingu fyrir okkur. Ferlið hefur verið langt og strangt enda gerir Norðurál gríðarlegar kröfur til þátta á borð við öryggi, umhverfi og áreiðanleika. Eftir að útboðinu lauk tók við ítarlegt skoðunarferli þar sem farið var yfir tækilegar lausnir, þær bornar saman og metnar á faglegum forsendum. Framundan er vinna við frekari hönnun, samsetningu, forritun og prófanir en segja má að vélarnar séu klæðskerasniðnar að þörfum Norðuráls. Við gerum ráð fyrir að verkið verði unnið í áföngum á næstu 28 mánuðum,“ segir Eyvindur Guðmundsson framkvæmdastjóri Alu1.

Verkfræðifyrirtækið Alu1 hefur á undanförnum árum haslað sér völl á alþjóðlegum mörkuðum með hugviti sínu og sérsniðnum lausnum fyrir álver og járnblendiverksmiðjur. Hefur fyrirtækið m.a. selt lausnir sínar til fyrirtækja í Evrópu, Egyptalandi, Kanada, Argentínu, Ástralíu og Nýju-Kaledóníu auk Íslands. Sérþekking fyrirtækisins og aukið bolmagn til að sinna stórum fyrirtækjum af þessum toga á rætur sínar að rekja til uppbyggingar stóriðju hér á landi, tengdra orkuframkvæmda og þeirra tækifæra til nýsköpunar sem fylgt hafa í kjölfarið.

„Það er einkar ánægjulegt að íslenskt fyrirtæki varð hlutskarpast í þessu útboði og bar sigurorð af erlendum keppinautum á faglegum og fjárhagslegum forsendum. Þetta er enn eitt dæmið um samkeppnhæfni íslenskra fyrirtækja sem þjóna áliðnaðinum og þá miklu verðmætasköpun sem þau standa fyrir. Nýi búnaðurinn gerir okkur kleift að bæta vinnuumhverfið, auka afköst og nýta enn betur það efni sem til fellur í álverinu og unnt er að endurvinna,“ segir Ragnar Guðmundsson forstjóri Norðuráls.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is