Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. júlí. 2012 06:30

Vilja bæta leiksvæði og göngustíga í Stykkishólmi

Skýrsla vinnuhóps um framtíðarskipulag gönguleiða, stíga og leikvalla í landi Stykkishólmsbæjar var kynnt í síðustu viku. Á fundi bæjarráðs Stykkishólms, þann 15. september 2011 var tillaga um skipun í vinnuhóp um framtíðarskipulag gönguleiða, stíga og leikvalla í landi Stykkishólms lögð fram og samþykkt en hópurinn lauk störfum í maí síðastliðnum. Hlutverk vinnuhópsins var að vinna að tillögum um framtíðarskipulag gönguleiða, stíga og leikvalla í landi Stykkishólmsbæjar, að leggja til forgangsröðun verkefna og að leita til þeirra er málið kann að varða s.s. skipulags og byggingafulltrúa, nefnda, stjórna og stofnana Stykkishólmsbæjar, íþróttafélaga í Stykkishólmi, Aftanskins, íþróttakennara, sjúkraþjálfara, auk annarra tengdra aðila.

Í vinnuhópinn voru skipuð aðalmenn Ingi Berg Ingason formaður, Hrefna Frímannsdóttir og Íris Huld Sigurbjörnsdóttir og varafulltrúar Hörður Karlsson, Steinunn Helgadóttir og Hjörleifur K. Hjörleifsson. Meðal tillagna sem vinnuhópurinn leggur upp með er að leiksvæðið við grunnskólann verði klárað sem fyrst og að farið verði í lagfæringar á stéttum í ófullnægjandi ástandi sem fyrst. Fyrsti áfangi þess mætti þannig vera lagfæring á gangstéttum við Aðalgötu, Skólastíg og við hafnarsvæðið. Þá segir í skýrslunni að til þess að gera sem flestum kleift að stunda útivist við hæfi þurfi að vinna markvisst að því að tengja saman þær fjölbreyttu leiðir sem fyrir eru og byggja ofan á það sem þegar er til staðar. Að lokum leggur vinnuhópurinn til að sveitarfélagið bæti útivistarsvæðið við Búðarnes og útbúi svokallaðan útivistarhring með æfingastöðvum.

„Greinilegt er að í Stykkishólmi eru góðir möguleikar til að skapa fjölbreytt svæði með fjölbreyttar áskoranir fyrir alla aldurshópa ef rétt er haldið á spöðunum. Bæjarstæðið og umhverfi bæjarins er krefjandi og býður upp á marga möguleika til útfærslu,“ segir meðal annars í samantekt skýrslunnar en hana má lesa í heild sinni á heimasíðu Stykkishólmsbæjar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is