Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. júlí. 2012 01:40

Markmaður Grundfirðinga með sjö mörk í nágrannaslagnum

Grundarfjörður tók á móti Snæfelli í sannkölluðum nágrannaslag á Grundarfjarðarvelli í gærkvöldi. Blíðskaparveður var og fjörðurinn skartaði sínu fegursta í kvöldsólinni. Liðin voru í tveim neðstu sætunum í C-riðli þriðju deildar fyrir þennan leik. Snæfellingar á botninum án stiga en Grundfirðingar í því næst neðsta sæti með 9 stig.

Fyrsta mínúta leiksins gaf tóninn fyrir kvöldið því þá skoraði Ingólfur Örn Kristjánsson í fyrstu sókn Grundfirðinga. Leikurinn sjálfur var algjör einstefna að marki Snæfells og þegar dómari leiksins flautaði til hálfleiks var staðan 11-0 Grundfirðingum í vil.

Það sama var uppi á teningnum í síðari hálfleik og þegar dómarinn flautaði til leiksloka var staðan 19-0 heimamönnum í vil. Hrakfarir Snæfellinga halda því áfram en þeir eru enn í neðsta sæti með markatöluna 0-124 eftir níu umferðir. Ingólfur Örn Kristjánsson skoraði sjö mörk í þessum leik en vanalega spilar hann sem markvörður. Heimir Þór Ásgeirsson var með sex mörk, þeir Predrag Milosavljevic og Sindri Guðbrandur Sigurðsson voru með tvö mörk hver og svo voru þeir Runólfur Jóhann Kristjánsson og Sindri Kristjánsson með báðir með eitt mark. Þá má geta þess að Ásgeir Ragnarsson kom inn á í þessum leik og gaf yngri leikmönnum liðanna ekkert eftir en Ásgeir verður 48 ára í ágúst. Með þessum sigri lyfti Grundarfjörður sér upp í þriðja sæti riðilsins með tólf stig en Víðir og Kári virðast vera að stinga af í þessum riðli en liðin hafa 21 og 18 stig. Næsti leikur Grundarfjarðar er gegn Hvíta Riddaranum laugardaginn 21. júlí næstkomandi þegar þeir mæta í Mosfellsbæinn. Snæfell tekur á móti Kára í enn einum Vesturlandsslagnum fimmtudaginn 19. júlí á Stykkishólmsvelli. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is