Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. júlí. 2012 09:42

Ný álma hjá DAB var vígð á laugardaginn – Brákarhlíð er nýtt nafn heimilisins

Fjölmennt var við opnun nýrrar álmu Dvalarheimilis aldraðra í Borgarnesi á laugardaginn. Álman hefur verið í byggingu frá árinu 2010 og er tilkoma hennar mikið framfaraskref í aðstöðumálum heimilisfólks og starfsfólks DAB. Opnunin hófst á formlegri athöfn. Þar voru nokkur ávörp flutt. Magnús B. Jónsson, formaður stjórnar DAB stjórnaði henni og flutti einnig ágrip af starfssögu heimilisins auk þess sem hann rakti aðdragandann að framkvæmdunum við nýju álmuna. Einnig fluttu ávörp þeir Óli Jón Gunnarsson, fyrir hönd Byggingarfélags Borgfirðinga ehf. er sá um byggingu álmunnar, Páll S. Brynjarsson sveitarstjóri Borgarbyggðar, Guðbjartur Hannesson velferðarráðherra, sr. Þorbjörn Hlynur Árnason prófastur sem einnig flutti húsblessun og Björn Bjarki Þorsteinsson framkvæmdastjóri DAB. Nokkrir gestir kváðu sér einnig hljóðs og færðu heimilinu góðar gjafir í tilefni tímamótanna. Söngatriði voru flutt milli ávarpa og eftir athöfnina var gestum boðið að þiggja kaffiveitingar og skoða nýju húsakynnin.

 

 

 

Meðal markverðustu tíðindanna sem gerðust á athöfninni var að tilkynnt var um nýtt sérheiti á starfsstöð DAB í Borgarnesi. Kosið var um nýtt nafn. Stjórn heimilisins hafði með ráðgjöf valdra aðila gert tillögu að sex mögulegum nöfnum fyrir starfsstöðina fyrir nokkru. Brugðið var á það lýðræðislega ráð að framkvæma kosningu á nýju nafni og voru á kjörsskrá heimilisfólk, starfsfólk og stjórn DAB. Niðurstaða kosningarinnar var sú að nafnið Brákarhlíð varð hlutskarpast. Vísar nafnið í ambáttina Þorgerði Brák, fóstru Egils Skallagrímssonar. Heitir því heimilið nú Brákarhlíð, hjúkrunar- og dvalarheimili.

 

Nánar verður greint frá vígsluathöfninni í Skessuhorni sem kemur út á miðvikudaginn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is