Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. júlí. 2012 11:26

Víkingar misstu toppsætið

Víkingur Ólafsvík fór í heimsókn til nafna sinna í Reykjavík í gærkvöldi þegar liðin mættust í fyrstu deild karla á Víkingsvelli. Fyrir leikinn voru Víkingar í góðri stöðu á toppi deildarinnar en Víkingur Reykjavík var hins vegar í næst neðsta sæti með tíu stig.

Fyrsta mark leiksins kom strax á fimmtu mínútu leiksins en þar var á ferðinni Skagamaðurinn í liði Víkings R., Hjörtur Júlíus Hjartarson, sem skoraði með skalla eftir hornspyrnu. Ólsararnir sóttu í sig veðrið þegar líða tók á fyrri hálfleik og áttu nokkur góð skot á markið en inn vildi boltinn ekki fara. Á 35. mínútu bættu heimamenn síðan við öðru marki og var staðan 2-0 í hálfleik.

 

 

 

Ejub, þjálfari Víkinga Ó., hefur átt gott spjall við sína menn í leikhléi því það voru ekki liðnar fjórar mínútur þegar þeir minnkuðu muninn. Þar var á ferðinni Torfi Karl Ólafsson sem hljóp sjálfur upp völlinn, nýtti sér varnarmistök heimamanna, og þrumaði boltanum í markið. Töluverður kraftur var í gestunum í byrjun síðari hálfleiks og voru þeir nærri því búnir að jafna leikinn stuttu síðar. Brynjar Kristmundsson sem er nýlega genginn til liðs við Víkinga á ný, kom inn á á 63. mínútu og var óheppinn að skjóta í stöngina eftir laglegt skot beint úr aukaspyrnu. Þrátt fyrir hetjulega baráttu urðu mörkin ekki fleiri og lokatölur því 2-1 Víkingum R. í vil. Með tapinu fóru Ólsararnir niður í annað sætið og eru enn með 19 stig, en Fjölnir er í því efsta með 21 stig. Næsti leikur Víkings Ó. er einmitt gegn Fjölni á útivelli laugardaginn 21. júlí næstkomandi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is