Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. júlí. 2012 11:02

Bókin „Á refaslóðum“ endurútgefin

Bjarmaland, félag atvinnumanna við refa og minkaveiðar hefur endurútgefið bókina Á refaslóðum eftir Theódór Gunnlaugsson frá Bjarmalandi. Bókin hefur verið ófáanleg í áratugi og vonandi verða viðtökur góðar. Bókina má fá hjá Snorra Jóhannessyni Augastöðum auk þess sem hún mun síðar verða seld í einhverjum verslunum sem verður þá auglýst síðar. Á bókarkápu segir: „Bókin „Á refaslóðum“ kom fyrst út árið 1955 og var gefin út af Búnaðarfélagi Íslands. Hafði félagið samið við bókarhöfund Theódór Gunnlaugsson frá Bjarmalandi að skrifa kennslubók um refaveiðar. Theódóri tókst afburðar vel að leysa það verk af hendi og hefur bókin allar götur síðan verið refaskyttum ómetanlegur þekkingarbrunnur í þeirra störfum.“

 

 

 

 

Úr smiðju Theódórs kom bókin sem miklu víðfeðmara fræðslurit um refinn en aðeins það sem veiðar varðar. Bókin er ítarleg umfjöllun um allt sem refnum tengist, þar á meðal samskipti manns og refs frá fyrstu öldum Íslandsbyggðar til okkar daga. Bókin er einstætt fræðslurit, skrifað af gríðarlegri þekkingu höfundar á viðfangsefninu og krydduð mörgum skemmtilegum og lærdómsríkum frásögum úr veiðiferðum.

Theódór fæddist á Hafursstöðum í Öxarfirði 27. mars 1901 og lést á Húsavík 12 mars 1985. „Við lærisveinar hans í Bjarmalandi vottum minningu hans virðingu og þakkir fyrir frábæra kennslubók og aðra þá arfleið er hann skildi okkur eftir að lífsgöngu lokinni,“ segir Snorri Jóhannesson á Augastöðum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is