Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. júlí. 2012 09:11

Mikilvægur sigur Grundfirðinga í Mosfellsbæ

Grundarfjörður heimsótti Mosfellsbæinn til að etja þar kappi við Hvíta Riddarann á Varmárvelli laugardaginn 21. júlí síðastliðinn. Fyrir leikinn voru Grundfirðingar í þriðja sæti C riðils með 12 stig en Hvíti Riddarinn var í því fjórða með 11 stig og því ljóst að um gríðarlega mikilvægan leik var að ræða fyrir bæði lið. Ingólfur Örn Kristjánsson hélt uppteknum hætti í þessum leik frá því að hann skoraði átta mörk gegn Snæfelli því að hann skoraði fyrsta mark leiksins á 15. mínútu og kom gestunum í 0-1. Grundfirðingar voru töluvert sterkari aðilinn í leiknum og voru óheppnir að fara einungis með 0-1 forystu inn í hálfleikinn. Danijel Smiljkovic, nýjasti liðsmaður Grundarfjarðar, átti til að mynda skot í slá í fyrri hálfleik.

Síðari hálfleikurinn var rétt nýhafinn þegar að Ingólfur Örn skoraði annað mark sitt og kom Grundfirðingum í 2-0 og útlitið gott fyrir Grundarfjörð. Aðeins átta mínútum síðar urðu heimamenn fyrir áfalli þegar þeir voru svo óheppnir að skora sjálfsmark á 54. mínútu eftir hornspyrnu Grundarfjarðar og staðan því 0-3 fyrir gestina. Eftir þetta lágu gestirnir til baka og áttu heimamenn engin svör við sterkum varnarleik þeirra. Það var svo á 86. mínútu að títtnefndur Ingólfur Örn sleppur einn inn fyrir vörn heimamanna og fullkomnar þrennuna og kemur gestunum í 0-4. Heimamenn náðu svo aðeins að klóra í bakkann og koma inn einu sárabótarmarki og því endaði leikurinn 1-4. Ingólfur er því búinn að skora ellefu mörk í tveimur leikjum og telst það nokkuð gott hjá leikmanni sem yfirleitt spilar sem markvörður. Með þessum frábæra sigri náðu Grundfirðingar að slíta sig aðeins frá liðinum fyrir neðan og sitja því í þriðja sætinu með 15 stig en næstu lið eru með 11 stig. Þriðja sætið í riðlinum er mjög mikilvægt þar sem að það gefur rétt til að spila aukaleik um sæti í nýju þriðju deildinni næsta sumar. Næsti leikur Grundarfjarðar verður svo föstudaginn 27. júlí gegn toppliði Víðis á Grundarfjarðarvelli. Þar má búast við mikilli stemningu en bæjarhátíð Grundfirðinga fer fram þessa helgi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is