Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. júlí. 2012 01:32

Opna sjóstangveiðimót SjóSnæ

Um síðastliðna helgi hélt Sjóstangveiðifélag Snæfellsness opið sjóstangveiðimót í Ólafsvík. Alls tóku 33 keppendur þátt í mótinu en róið var á tíu bátum og alls veiddust tíu tegundir fiska. Aflinn var allur vigtaður á fiskmarkaðinum og heildaraflinn nam 9,5 tonnum. Einar Ingi Einarsson varð aflahæstur með 711,07 kg. Einar veiddi einnig flesta fiska, eða 289 stykki. Jón Sævar Sigurðsson veiddi flestar tegundir, alls átta. Aflahæsta konan var Svala Júlía Ólafsdóttir með 460,21 kg og 179 fiska veidda. Þess má geta að Kirkjukór Ólafsvíkur smurði nesti fyrir veiðimennina sem lið í fjáröflun fyrir Frakklandsferð í haust.

 

 

 

 

Guðni Gíslason ritari SjóSnæ segir mótið hafa gengið mjög vel þrátt fyrir leiðinlegt veður. „Það er mismunandi hvernig fólki gekk. Fyrri daginn þá fengu þeir meira sem fóru út Breiðafjörðinn, en þeir sem fóru inn. Halldóra K. Unnarsdóttir var fyrsti kvenkyns skipstjórinn okkar og hún stóð sig nokkuð vel. Stundum eru menn á sama bát og með sömu veiðarfæri en gengur mis vel. Mótið gekk bara mjög vel þrátt fyrir að veðrið hefði ekki verið eins og óskaðist. Flestir bátarnir fóru vestur fyrir nes, út af Svörtuloftum og jafnvel lengra. Þar fengust stærstu fiskarnir. Allt að 18-20 kílóa þorskar. Á mótinu veiddist ekki nema einn pínulítill marhnútur og makríllinn var öðru hvoru að gera vart við sig. Sumir fengu mikið af makríl og aðrir ekki neinn, jafnvel á sama báti. Svona mót eru alltaf mikil keppni, því á opnu mótunum safnar maður stigum í Íslandsmeistarakeppninni.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is