Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. júlí. 2012 09:39

Jafntefli á Skaganum þegar allt gerðist í blálokin

Nú rétt í þessu var að ljúka leik ÍA og Breiðabliks á Akransvelli og endaði hann með 1:1 jafntefli þar sem bæði mörkin voru skoruð í blálokin. Framan af leik var jafnræði með liðunum og nokkur þokkaleg tækifæri sem markmenn liðanna sáu við. Í síðari hálfleik voru heimamenn töluvert frískari en þó vantaði alltaf herslumuninn í sóknunum. Hinn ungi Andri Adolphsson var langsprækastur í liði heimamanna og þá átti Árni Snær Ólafsson markvörður fín tilþrif. Eitt besta marktækifæri Skagamanna í venjulegum leiktíma átti Theo Furness, sem nýkominn var inn á á 76. mínútu í sínum fyrsta leik fyrir liðið. Það var Andri Adolphsson sem átti stungusendingu inn fyrir vörn Blikanna en þrátt fyrir góð tilþrif Theo Furness  varði Ingvar Þór Kale markmaður Blika frábærlega í tvígang í bestu sókn leiksins.

Það var svo ekki fyrr en á 87. mínútu sem hlutirnir fóru að gerast. Árni Vilhjálmsson varamaður Blika virtist vera að „stela“ sigrinum fyrir gestina þegar hann skoraði og staðan óbærileg fyrir heimamenn enda tóku þeirra elstu stuðningsmenn að streyma heim á leið niðurlútir mjög. En leik er aldrei lokið fyrr en búið er að flauta hann af. Það var Jóhannes Karl Guðjónsson sem jafnaði í uppbótartíma eftir að heimamenn fengu dæmda vítaspyrnu og niðurstaðan 1:1 eins og áður sagði. Dramatíkin var svo alls ráðandi undir lokin því í kjölfar jöfnunarmarksins fékk Sverrir Ingi Ingason, miðvörður Blika, sitt annað gula spjald og þar með rautt, fyrir að stugga við Skagamönnum sem höfðu sótt boltann með hraði og ætlað með hann að miðjunni.

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is