Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. júlí. 2012 10:10

Nýr kross vígður í Reykholtskirkju við messu í dag

Við upphaf messu í Reykholtskirkju í dag, sunnudag kl. 14, verður vígður kross að kirkjunni. Stendur krossinn framan við stafnþil kirkjunnar. Að auki verða teknar í notkun sálmanúmeratöflur sem gefnar hafa verið kirkjunni. Segir í fréttatilkynningu frá Sr. Geir Waage sóknarpresti að þegar ný kirkja var reist í Reykholti á árunum 1988 – 1996 var ákveðið að hafa ekki kross á turni eins og gömul venja hefur verið um kirkjur. Þess í stað var áformað að hafa standandi kross framan við stafnþil kirkjunnar. Krossinn sem vígður verður er gerður úr stáli og sedrusviði. Hann er hannaður af norska listamanninum Jarle Rosseland sem naut aðstoðar Bjarte Aarseth, tréskurðarmeistara við hönnun hans. Krossinn smíðaði Kristján Pálsson rennismiður í Borgarnesi. Bjarni Árnason verkfræðingur frá Brennistöðum í Flókadal hannaði burðarvirki hans en það var GÁ smíðajárn sem lagði til stálið.

Norðmaðurinn Jan Petter Röed kostar verkið en geta má þess að sedrusviðurinn sem notaður er í verkið er frá setri hans á Englandi, Mátsgarði (e. Maud‘s Court). Samkvæmt heimildum bjó krossfarariddari nokkur á dögum Snorra Sturlusonar í Mátsgarði og segir sagan að hann hafi haft heim með sér frá Líbanon sedrusviðarhríslu. Hrísluna hafi hann gróðursett í Mátsgarði. Röed hefur áður styrkt Reykholtskirkju myndarlega en hann hefur áður gefið meðal annars allan búnað í turn kirkjunnar ásamt klukku.

 

Sálmatöflurnar sem teknar verða í notkun eru einnig gjöf til kirkjunnar. Það var Guðrún Ólafsdóttir sem hafði forgöngu um að þær yrðu gerðar og gaf til þess fjármuni. Einnig gáfu Steinunn Árnadóttir frá Brennistöðum og Gunnar Gauti Gunnarsson dýralæknir fé til töflugerðarinnar. Það eru Garðar Halldórsson húsameistari og Andrés Narfi Andrésson sem hönnuðu sálmatöfluna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is