Mun minna hefur veiðst af laxi í flestum helstu laxveiðiám landsins miðað við sama tíma í fyrra. Einungis í Haukadalsá í Dölum er veiðin nú betri en sumarið 2011. Þar sem verst lætur er veiðin einungis 40% af veiði síðasta árs. Sýni verst er ástandið í borgfirsku stóránum; Norðurá, Grímsá og Tunguá og Þverá og Kjarará. Í þessum þremur ám er veiðin innan við helmingur þess sem hún var á sama tíma í fyrra. Sé veiðin í laxveiðiánum borin saman við árið 2010 er minni veiði nú í öllum helstu laxveiðiám landsins og því hægt að tala um hrun í veiðum miðað við það. Það er Landssamband veiðifélaga sem heldur utan um laxveiðina í öllum helstu ánum. Á vef félagsins segir að flestir laxar hafa komið á land í Rangánum en þar er líka veitt á flestar stangir.