Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. júlí. 2012 03:01

Hið gagnmerka rit Símaskrá Flateyjar 2012 komin út

Fjáröflunarnefnd Flateyjarkirkju á Breiðafirði hefur gefið út sérstaka afmælisútgáfu af símaskrá eyjaskeggja í tilefni tíu ára afmæli útgáfunnar. Símaskráin er í reynd skrá yfir meira en 600 Flateyinga, Inneyinga, velunnara Flateyjar og aðra er tengjast húsum í Flatey, Hvallátrum, Skáleyjum, Svefneyjum og Sviðnur.  Hefur símaskráin vaxið og dafnað í áranna rás og er með réttu orðin yfirgripsmikil uppflettibók um Flatey, Flateyinga og málefni eyjaskeggja.  Sífellt nýtt efni hefur bæst í skránna sem gerir hana bæði læsilegri aflestrar, betra uppflettirit og heimildarrit sem sífellt er leitað í til fróðleiks og skemmtunar.  „Í reynd má segja að símaskráin standi undir því nafni sem sumir hafa gefið henni „Flateyjarbók hin nýja,“ segir í tilkynningu frá ritstjóra útgáfunnar.

 

 

 

 

 

Safnað hefur verið saman í þessa bók miklu af áhugaverðu efni fyrir fróðleiksþyrsta Flateyinga, Inneyinga og Breiðafirðinga og af því efni má nefna félög og nefndir Flateyinga, heilræði til Flateyinga og gesti í Flatey, upplýsingar um félagsmál Flateyinga, ágrip af sögu húsa í Flatey ásamt mynd af hverju húsi, myndræn lýsing af listaverkum Baltasar í Flateyjarkirkju og þá sögu sem þau segja, fróðleg og gagnleg leiðsögn með myndum um Flatey frá bryggju inn að Lundabergi, sagt frá öryggismálum í Flatey og komið þar inn á slysaáætlun, brunaáætlun og ágangi sjávar og hættur því samfara og síðast en ekki síst ítarlegt „fréttahorn Flateyjar.“ þar sem drepið er á deiluna um deiliskipulag í Flatey og hugsanlega sölu lóða í Flatey. Fjallað er um hinn merka samfélagssamning Flateyinga sem er einstakur í sinni röð og Eyjaþingið þar sem félagsmál Flateyjar náðu ákveðnum hápunkti. Fjallað er um stígagerð í Flatey sem ferðamenn og heimamenn ganga nú eftir en kindur sækja líka í, um baráttu vatnsveitumanna að miðla vatni um alla ey og sjá til þess að vatn sé í krönum Flateyinga, um bjartsýnismenn sem byggja upp frystihúsið sem ekki alltaf var augnayndi, um Flateyjarkirkju þar sem mikið stendur til og fær aura sína m.a. frá þyrstum Flateyingum og ferðamönnum til Flateyjar. Til að kóróna fréttaflutninginn er sagt frá hvað Reykhólahreppur er að sýsla með í málefnum Flateyjar á fundum sínum.

 

Þeir sem vilja eignast eintak af „Flateyjarbók hinni nýju“ og fá hana senda heim til sín geta leitað til ritstjóra símaskrárinnar, Gunnar Sveinsson, Eyjólfshúsi, Flatey sími 824-5651, netfang; gunnarsv@landspitali.is og kostar skráin kr. 2.000.- er rennur óskipt til Flateyjarkirkju. Hún er einnig seld í verslunni Sjávarborg í Stykkishólmi og í Flatey hjá Hótel Flatey, í Krákuvör og í Læknishúsi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is