Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. ágúst. 2012 10:22

Umfjöllun Náttúrufræðistofnunnar Íslands sögð hörð og ómakleg

Stjórn fyrirtækisins Sæferða í Stykkishólmi hefur sent frá sér yfirlýsingu þar sem nýleg umfjöllun Náttúrufræðistofnunnar Íslands um arnarvarp á Breiðafirði og starfsemi Sæferða er gagnrýnd. Í umfjöllun NÍ sagði meðal annars að skoðunarbátur Sæferða hafi siglt ólöglega að arnarhreiðrum og truflað fuglana á viðkvæmum tíma í vor. Þetta segja forsvarsmenn Sæferða vera ómaklega umfjöllun ekki síst vegna þess að fyrirtækið hafi undanfarin ár átt gott samstarf við stjórnvöld í tengslum við skoðunarferðir að arnarhreiðrum á Breiðafirði og þannig leitast við að tryggja framgang arnarvarps á svæðinu. Í yfirlýsingu Sæferða segir m.a. „Þetta er harður og ómaklegur dómur yfir fyrirtæki sem hefur sótt um og fengið undanþágu frá gildandi lögum og reglum um vernd villtra dýra frá árinu 2000, eitt ferðaþjónustufyrirtækja, skilað tilskyldum dagskýrslum og greinargerðum og lýst þannig í verki vilja til virða friðhelgi arnarins á varptímanum og starfa í sátt og samlyndi við stjórnvöld landsins.“ Rétt er að taka fram að Haförninn nýtur sérstakrar verndar í lögum sem lýsir sér meðal annars í því að ekki megi koma nær hreiðrum fuglsins en 500 metra nema brýna nauðsyn beri til á tímabilinu 15. maí til 15. ágúst.

 

Áttu auðvitað að bíða

Líkt og fyrri ár sótti Sæferðir um undanþágu snemma sl. vor til Umhverfisstofnunnar til að sigla nálægt arnarhreiðrunum. Hreiðrin eru í Skjaldarey og Seley. Svarbréf frá stofnuninni barst 11. júní þar sem beiðni um undanþágu var synjað en í millitíðinni hóf fyrirtækið að sigla nærri hreiðrunum samkvæmt venju líkt og undanfarin ár. Í yfirlýsingu stjórnar Sæferða segir að ekkert hafi benti til þess að stjórnvöld ætluðu að breyta afstöðu sinni til erindis fyrirtækisins í ár eftir að hafa veitt undanþáguna í ellefu ár. Því hafi fyrirtækið hafið siglingar nærri hreiðrunum í vor. Á þessu biðst stjórn Sæferða velvirðingar og viðurkennir að auðvitað átti fyrirtækið að bíða eftir formlegri afgreiðslu erindis síns.

 

Hafna því að siglingar hamli varpi

Eftir að beiðni um undanþágu var synjað hætti Sæferðir að sigla í grennd við arnarvarp. Þess vegna gagnrýnir fyrirtækið nú NÍ fyrir umfjöllun sína þar sem Sæferðir. Að auki hafnar stjórn Sæferða að siglingar fyrirtækisins einar og sér hafi orsakað lélegan árangur í arnarvarpi í umræddum hreiðrum. „Á því kunna að vera náttúrlega skýringar, eins og dæmin sanna. Ekkert hafi komið fram sem bendir til þess að siglingar nærri hreiðrum hafi eitthvað með ófrjósemi arnarpara að gera,“ segir í yfirlýsingunni.

 

Yfirlýsinguna í heild sinni má lesa hér.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is