Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. ágúst. 2012 10:20

Strandveiðum lokið á A svæði og lítið eftir á öðrum svæðum

Nú fer strandveiðum um land allt senn að ljúka. Þetta er fjórða árið sem veiðarnar eru stundaðar og voru aflaheimildir sumarsins 8.600 tonn af óslægðum fiski. Í ár voru 762 veiðileyfi veitt, sem er fjölgun um 72 leyfi frá síðasta ári. Langflest leyfanna voru veitt á A-svæði, eða 283. Næstflest voru leyfin á B-svæði, eða 167 talsins. Meðalafli í róðri á A-svæði var 614 kg í sumar og á D-svæði var meðalaflinn í gær, 7. ágúst 449 kg í róðri. Veiðum er ekki lokið á D-svæði, sem nær frá Hornafirði, vestur um og til Borgarbyggðar. Mikið ósamræmi er á milli fjölda landana báta á svæði. Aflahæstu bátar A-svæðis lönduðu um 20 sinnum en á C-svæði eru aflahæstu bátarnir með 40-44 landanir.

Síðasti dagur strandveiða á A svæði, sem liggur frá Eyja- og Miklaholtshreppi til Súðavíkurhrepps, var fimmtudaginn 2 ágúst sl. Í þessum mánuði var því veitt í einungis tvo daga og var aflinn 343 tonn. Heildarafli sumarsins á A-svæði var 2.871 tonn og voru alls 282 bátar sem tóku þátt í strandveiðum á þessu ásetnasta strandveiðisvæði landsins. Þrír aflahæstu bátar A-svæðis eru Sif SH úr Grundarfirði, sem landaði 17.686 kg í 21 löndun. Jóhannes á Ökrum frá Akranesi landaði 16.862 kg í 19 löndunum og Mjölnir BA frá Patreksfirði landaði 16.006 kg í 20 löndunum.

 

Á D svæði er veiðum ekki lokið þar sem tæplega 100 tonn eru eftir óveidd af heildarafla sumars, sem er 1.500 tonn. Á svæðinu hafa strandveiðar verið stundaðar á 153 bátum í sumar. Aflahæstu bátar svæðisins eru Sæunn SF á Hornafirði, með 30.029 kg í 34 löndunum. Hulda SF á Hornafirði, með 28.884 kg í 43 löndunum og Örn II SF einnig frá Hornafirði með 26.980 kg. í 33 löndunum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is