Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. ágúst. 2012 09:50

Baráttusigur Skagamanna á Fylki

Skagamenn unnu góðan sigur á Fylkismönnum í sunnan slagviðrinu á Akranesvelli í kvöld. Garðar Gunnlaugsson skoraði bæði mörk ÍA í 2:1 sigri og með þremur stigum sem fengust úr leiknum eru Skagamenn nú komnir með 21 stig og færðust úr níunda sætinu í það sjöunda. Heimamenn höfðu vindinn heldur í bakið í fyrri hálfleiknum og voru öllu atkvæðameiri í fremur opnum leik þar sem spilið var furðu gott hjá báðum liðum miðað við erfiðar aðstæður. Sótt var á  báða bóga og mörg færi sáust. Skagamenn voru til að mynda  heppnir strax á 7. mínútu þegar þeir björguðu á línu. Á 25. mínútu áttu heimamenn eina af sínum betri sóknum þegar Óli Valur Valdimarsson sendi góðan bolta fyrir markið frá hægri kanti, beint á kollinn á Garðari Gunnlaugassyni sem skallaði boltann niður í völlinn og þaðan skoppaði hann undir þaknetið í mark Fylkismanna. Þetta reyndist eina mark fyrri hálfleiks.

Fylkismenn komu tvíefldir til seinni hálfleiks og voru mun betra liðið framan af hálfleiknum. Þeir náðu að jafna er um tíu mínútur voru liðnar. Magnús Þórir Matthíasson skoraði með góðu skoti úr teignum en skömmu síðar misstu Fylkismenn mann útaf þegar Tómas Þorsteinsson fékk sitt annað gula spjald. Skagamenn efldust er á leið og náðu að snúa leiknum sér í vil á nýju. Á 80. mínútu sendi Fjalar Örn Sigurðsson, þá nýlega kominn inn á, boltann inn í teiginn á Garðar Gunnlaugsson sem skoraði af öryggi. Reyndist þetta sigurmark leiksins, enda sóttu heimamenn mun meira á lokakaflanum en gestirnir.

 

Markaskorinn Garðar Gunnlaugsson var meðal betri manna í Skagaliðinu í kvöld, en þess má geta að auk hins unga og efnilega Fjalars fékk Hallur Flosason að spreyta sig á lokakaflanum. Stóðu báðir strákarnir sig vel.

 

Næsti leikur ÍA í Pepsídeildinni verður gegn Keflavíkingum syðra nk. sunnudagskvöld.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is