Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. ágúst. 2012 04:00

Hundrað kílómetra afmælisganga UMSB hefst á sunnudaginn

Næstkomandi sunnudag hefst spennandi verkefni sem Ungmennasamband Borgarfjarðar stendur fyrir en það er 100 km gönguferð í tilefni af 100 ára afmæli UMSB. Ætlunin er að þvera sambandssvæðið og ganga frá Hvalfjarðarbotni um Síldarmannagötur og alla leið vestur um Mýrar upp í Hítardal, að Foxufelli, fjalli ársins. Gengið verður í fimm áföngum, sunnudagana 12. og 19. ágúst og síðan 2., 9. og 30. september. Gengið er mest á vegum og vegaslóðum fyrir utan hluta af síðustu tveimur dagleiðunum. Það verður því oftast auðvelt að koma því við ef fólk vill aðeins ganga hluta úr leiðum. Mælt er með að fólk sameinist í bíla og hafi samband sín á milli með að hafa bíla tiltæka á endastöðvum. „Ef einhver bíður sig fram til að verða okkur innan handar með að ferja fólk frá og eins ef eitthvað kemur upp á þá er það vel þegið,“ segir í tilkynningu frá UMSB.

Dagleiðirnar eru þessar:

 

· 12. ágúst – Hvalfjarðarbotn-Skátaskálinn í Skorradal

o Gengið er frá Hvalfjarðarbotni um Síldarmannagötur yfir í Skorradal og síðan meðfram vatninu að sunnanverðu að Skátaskálanum.

o Mæting á upphafsstað göngu kl 10

o Áætluð vegalengd 20-22 km

o Áætlaður göngutími 6-7 klst

 

· 19. ágúst – Skátaskálinn í Skorradal – Hvítárbrú við Ferjukot

o Gengið er frá Skátaskála í Skorradal áfram út með vatninu, norður yfir Hestháls, niður Uxahryggjaveg (52), fram hjá Hesti og inn á gömlu Borgarfjarðarbrautina og niður að Hvítárbrú við Ferjukot.

o Mæting á upphafsstað göngu kl 10

o Áætluð vegalengd 20 km

o Áætlaður göngutími 5-6 klst

 

2. september – Hvítárbrú við Ferjukot – Grenjar

o Gengið er frá Hvítárbrú í vesturátt til að byrja með á Hvítárvallavegi (510), þjóðvegur 1 er þveraður og genginn er vegurinn að Klapparholti og stefnan svo sett á eyðibýlið Gufuá, vegaslóða er fylgt með Gufuá, framhjá Staðarhúsum og Laxholti og gengið vestur um að Stangarholti, þar er tekinn smá krókur í suður og síðan er stefnt á Langá og gengið upp með henni. Farið er yfir Langá á vaði og er því brýnt að fólk hafi með sér vaðskó/sandala til að vaða í yfir ána. Gengið er áfram að Grenjum.

o Mæting á upphafsstað göngu kl 10

o Áætluð vegalengd 20-22 km

o Áætlaður göngutími 6-7 klst

o ATH! Vaðskór/sandalar nauðsynlegir til að vaða í yfir Langá.

 

· 9. september – Grenjar – Helgastaðir í Hítardal

o Gengið er á gamla veginum sem liggur undir Múlunum, þ.e. Grenjamúla, Grímsstaðamúla og Svarfhólsmúla, þá er farið út af slóðanum og stefnan tekin að Grjótá, e.t.v. gæti þurft að vaða hana. Þaðan er stefnan sett á Helgastaði.

o Mæting á upphafsstað göngu kl 10

o Áætluð vegalengd 16-18 km

o Áætlaður göngutími 5-6 klst

o ATH! Vaðskór/sandalar gætu komið í góðar þarfir.

 

· 30. september – Helgastaðir í Hítardal – Foxufell – Hítarhólmi

o Gengið er frá Helgastöðum upp Hítardal eftir veginum, farið er austan við Hólmann og gengið inn að Foxufelli (fjalli ársins) og gestabókin sem farið var með þangað í maí sótt, gengið er til baka að bílastæðinu sem er norðaustan við Hólmann.

o Mæting á upphafsstað göngu kl 10

o Áætluð vegalengd 18-20 km

o Áætlaður göngutími 5-6 klst.

 

Göngunefndin vill minna fólk á að vera vel búið og þá sérstaklega á þetta:

· Nesti

· Hlífðarfatnaður

· Vaðskór/sandalar/sokkar

· Lítið handklæði

· Göngustafi er gott að hafa þegar vaða þarf ár

· Plástur og auka sokkar

Þá er bara að vonast til að veðurguðirnir verði okkur hliðhollir.
Hlökkum til að sjá ykkur!

 

Göngunefnd UMSB;
Björg Kristófersdóttir, Friðrik Aspelund og Sigríður Júlía Brynleifsdóttir.

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is