Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. ágúst. 2012 10:04

Fjölskyldudagur í Hvalfirði á laugardaginn

Laugardaginn 25. ágúst bjóða ferðaþjónustuaðilar í Hvalfirði gestum heim. Margt spennandi verður í boði, svo sem veiðikeppni, sundlaugarpartý, varðeldur, afmælisveisla og margt fleira. „Allir sem heimsækja okkur geta skráð nafn sitt í verðlaunapott og meðal þess sem hægt er að vinna er veiðileyfi á Þórisstöðum, gjafabréf á Hótel Glym, matarveitingar í Ferstikluskála, sundferð fyrir fjölskylduna að Hlöðum og matarkarfa haustsins beint frá býli,“ segir í fréttatilkynningu.  Þeir sem standa að fjölskyldudeginum eru Bjarteyjarsandur, Ferstikluskáli, Þórisstaðir, sundlaugin að Hlöðum og Hótel Glymur.

Á Bjarteyjarsandi verður morgunstund með dýrunum kl. 11.00. Börnum og fullorðnum er boðið að taka þátt í umhirðu dýranna. Á Bjarteyjarsandi er stunduð sauðfjárrækt og vistvæn svínarækt en á bænum eru einnig íslenskar landnámshænur, hestar, kanínur, geitur, hundar, kisa og gæs. Kl. 14.00-15.30: Á slóðum Harðar Grímkelssonar. Gönguferð á söguslóðum Harðar sögu og Hólmverja. Rifjuð um sögubrot, örnefni, ljóð og fleira. Heitt kakó og pönnukökur að göngu lokinni. Kl. 18.00: Uppskeruveisla. Ljúffeng grænmetissúpa, úr fersku grænmeti beint úr garðinum. Heimabakað brauð með haugaarfapestói og ferskur melissudrykkur. Kl. 21.00-23.00 Kvöldvaka og varðeldur í fjörunni.

Í Ferstikluskáli verður haldið upp á 80 ára afmæli veitingarekstrar í Ferstiklu. Frá kl. 12.00 meðan birgðir endast verður boðið uppá ókeypis grillaðar pylsur, kók, kókómjólk, svala og ís fyrir gesti og gangandi. Teiknikeppni verður í boði fyrir börn þar sem krítuð verður mynd af hval á bílaplanið. Flott verðlaun í boði fyrir bestu myndirnar.

Sundlaugin að Hlöðum verður opin frá kl. 13.00 - 19.00. Kl 15.00 til 17.00 boðið verður upp á magnað sundlaugarpartý.

Á Hótel Glym verður kökuhlaðborð frá kl. 15.00 - 17.00. Það kostar 1.590 kr fyrir manninn og 1/2 verð fyrir 12 ára og yngri.

Á Þórisstöðum verður veiðikeppni í samstarfi við www.veidiheimur.is og www.veidikortid.is. Veglegir vinningar verða í boði.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is