Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. ágúst. 2012 06:05

Vesturland undirlagt af kvikmyndaleik

Filmur rúlla og leikarar ganga í allra persóna líki um Vesturland. Nú er unnið að upptökum á tveimur ólíkum kvikmyndum í landshlutanum. Í fyrsta lagi er um að ræða tökur á bandarísku kvikmyndinni The Secret Life of Walter Mitty í leikstjórn Ben Stiller. Sjálfur fer hann með aðalhlutverkið. Í öðru lagi fara fram tökur á íslensku myndinni Hrossi í leikstjórn Benedikts Erlingssonar. Tökustaðir eru í uppsveitum Borgarfjarðar, m.a. á völdum bæjum í Hvítársíðu. Með aðalhlutverk fara Ingvar E. Sigurðsson og Charlotte Böving. Hundruð manna og kvenna koma að gerð beggja þessara mynda, framtaks sem setur umtalsverðan svip á daglegt líf íbúa á Vesturlandi. Til dæmis er bandaríska myndin tekin upp í Borgarnesi, Grundarfirði og Stykkishólmi og í þeim bæjum þarf meðal annars að grípa til lokunar á völdum svæðum og vegum tímabundið svo kvikmyndatökufólk geti tekið upp atriði í myndunum. Þá eru dæmi um að fyrirtæki og stofnanir leigi húsnæði og lóðir undir tökur. Þannig verður Geirabakarí í Borgarnesi t.d. lokað frá föstudegi næsta til og með þriðjudags í næstu viku og staðnum breytt í flatbökustað, samkvæmt heimildum Skessuhorns. Því er vissara fyrir Borgfirðinga og Borgnesinga að birgja sig upp af brauðum næstu daga.

Allt krefst þetta brambolt kvikmyndagerðarfólks skilnings og þolinmæði íbúa og vegfarenda um Vesturland, en ljóst er að virðisauki samfélagsins, ekki síst fjárhagslega, verður nokkur. Þá er ótalin sú kynning sem tökustaðir fá í gegnum myndirnar.

 

Fjöldi Vestlendinga kemur að kvikmyndagerðinni með ýmsum hætti. Tugir ef ekki hundruð einstaklinga af svæðinu munu gegna ýmsum aukahlutverkum og þá munu hundruð hesta einnig koma við sögu. Síðast en ekki síst leikur umhverfi tökustaðanna eitt aðalhlutverkið í báðum myndanna.

 

Nánar má fræðast um gerð beggja þessara kvikmynda í Skessuhorni sem kom út í dag.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is